U Brusieli patłumačyli, jak pačnie pracavać novaja sistema ŭjezdu inšaziemcaŭ u ES
U piatnicu, 10 krasavika, novaja sistema ŭjezdu hramadzian zamiežnych dziaržaŭ u Jeŭrapiejski Sajuz EES (Entry/Exit System) całkam ustupić u siłu i budzie prymianiacca na miežach usich dziaržaŭ-členaŭ. Detali pra hetu padzieju raskazała namieśnica hałoŭnaha pres-sakratara Jeŭrakamisii Aryjana Padesta, piša «Jeŭrapiejskaja praŭda».
Jeŭrasajuz hatovy da poŭnaha zapusku novaj sistemy ŭjezdu-vyjezdu z 10 krasavika 2026 hoda.
«Zaŭtra sistema ŭjezdu-vyjezdu budzie całkam razhornutaja. Faza razhortvańnia dahetul prasoŭvałasia dobra, i jana ŭžo adyhryvaje važnuju rolu ŭ pavyšeńni biaśpieki Jeŭrapiejskaha Sajuza», — zajaviła Padesta.
Jana dadała, što dziakujučy sistemie ŭjezdu-vyjezdu ES «stvaryŭ samuju sučasnuju ŭ śviecie pamiežnuju IT-sistemu» i ŭžo bačyć vyniki.
«Za apošnija piać miesiacaŭ było zarehistravana bolš za 45 miljonaŭ ujezdaŭ i vyjezdaŭ. Było bolš za 24 tysiačy admoŭ va ŭjeździe, ź jakich bolš za 600 čałaviek byli vyznačanyja jak takija, što ŭjaŭlajuć pahrozu biaśpiecy našaha Sajuza», — raskazała pres-sakratarka.
Pa jaje słovach, u siarednim na hety momant rehistracyja ŭjezdu abo vyjezdu ŭ ES «zajmaje kala 70 siekundaŭ».
«My dobra ŭśviedamlajem, što, niahledziačy na ŭzhodnieny hrafik, niekalki dziaržaŭ-členaŭ usio jašče sutykajucca z techničnymi ciažkaściami ŭ hetyja miesiacy razhortvańnia. My znachodzimsia ŭ ciesnym kantakcie z hetymi dziaržavami-členami, naprykład, taksama šlacham abmienu pieradavym vopytam z tymi krainami, dzie sistema pracuje vielmi dobra», — paviedamiła Aryjana Padesta.
Jana paćvierdziła, što «sistema praduhledžvaje hnutkaść dla zabieśpiačeńnia bieśpierabojnaści ruchu na miažy — u pryvatnaści, z ulikam leta, kali my možam čakać krychu pavialičanaha ruchu».
«Praviły dazvalajuć dziaržavam-členam prypynić rehistracyju bijamietryčnych danych, heta značyć peŭnym čynam častkova prypynić pracu EES u vypadku praźmiernaha času čakańnia. Hetaja mahčymaść isnuje da vieraśnia, takim čynam achoplivajučy letni pieryjad, kali možna čakać pavieličeńnia pracoŭnych nahruzak», — patłumačyła Padesta.
«Fatahrafuje pašpart, a potym ciabie samoha». Na miažy Polščy ź Biełaruśsiu testujuć novuju sistemu ŭjezdu
Z kastryčnika pačnuć dziejničać novyja praviły ŭjezdu ŭ ES. Što źmienicca dla biełarusaŭ
«Papierka, a nie padstava dla vyjezdu». Biełarusa z polskim prajaznym dakumientam nie puścili na samalot
Polšča adnaviła kantrol na miažy ź Litvoj. Što tam ciapier adbyvajecca?
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary