У найбліжэйшыя тыдні цэны на нафту могуць дасягнуць піку. Яны, верагодна, будуць расці, пакуль танкеры не пройдуць праз Армузскі праліў, заявіў міністр энергетыкі ЗША Крыс Райт на канферэнцыі Semafor World Economy, піша CNN.
Тэлеканал адзначае, што цэны на нафту выраслі ў панядзелак, наблізіўшыся да $100 за барэль.
Да гэтага The Wall Street Journal са спасылкай на крыніцы, знаёмыя з сітуацыяй, паведаміла, што кіраўнікі трох буйных нафтавых кампаній ЗША папярэдзілі адміністрацыю прэзідэнта Дональда Трампа пра цяжкія наступствы працяглай блакады Іранам Армузскага праліва і магчымым пагаршэнні энергетычнага крызісу.
Нафтавыя кампаніі заявілі, што працяглае закрыццё Армузскага праліва можа рэзка парушыць глабальныя ланцужкі паставак паліва. Пасля пачатку аперацыі ЗША і Ізраіля Іран абвясціў пра прыпыненне гандлю праз Армузскі праліў, праз які праходзіла 15—20% сусветнай нафты, кандэнсату і нафтапрадуктаў, а таксама больш за 30% паставак СПГ.
Блакада Армузскага праліва прывяла да росту сусветных цэн на нафту. Аднак яны знізіліся на фоне пагаднення ЗША і Ірана аб перамір’і на два тыдні.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд14
Каментары
Абама:
2009 — $61.49
2010 — $79.51
2011 — $111.26
2012 — $111.65
2013 — $108.64
2014 — $99.02
2015 — $52.35
2016 — $43.55 
Байдэн:
2021 — $70.68
2022 — $100.78
2023 — $82.47
2024 — $80.53
І неяк жылі. Гістэрык не было.