U najbližejšyja tydni ceny na naftu mohuć dasiahnuć piku. Jany, vierahodna, buduć raści, pakul tankiery nie projduć praz Armuzski praliŭ, zajaviŭ ministr enierhietyki ZŠA Krys Rajt na kanfierencyi Semafor World Economy, piša CNN.
Telekanał adznačaje, što ceny na naftu vyraśli ŭ paniadziełak, nabliziŭšysia da $100 za barel.
Da hetaha The Wall Street Journal sa spasyłkaj na krynicy, znajomyja ź situacyjaj, paviedamiła, što kiraŭniki troch bujnych naftavych kampanij ZŠA papiaredzili administracyju prezidenta Donalda Trampa pra ciažkija nastupstvy praciahłaj błakady Iranam Armuzskaha praliva i mahčymym paharšeńni enierhietyčnaha kryzisu.
Naftavyja kampanii zajavili, što praciahłaje zakryćcio Armuzskaha praliva moža rezka parušyć hłabalnyja łancužki pastavak paliva. Paśla pačatku apieracyi ZŠA i Izraila Iran abviaściŭ pra prypynieńnie handlu praz Armuzski praliŭ, praź jaki prachodziła 15—20% suśvietnaj nafty, kandensatu i naftapraduktaŭ, a taksama bolš za 30% pastavak SPH.
Błakada Armuzskaha praliva pryviała da rostu suśvietnych cen na naftu. Adnak jany źnizilisia na fonie pahadnieńnia ZŠA i Irana ab pieramirji na dva tydni.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach22
Kamientary
Abama:
2009 — $61.49
2010 — $79.51
2011 — $111.26
2012 — $111.65
2013 — $108.64
2014 — $99.02
2015 — $52.35
2016 — $43.55 
Bajden:
2021 — $70.68
2022 — $100.78
2023 — $82.47
2024 — $80.53
I niejak žyli. Histeryk nie było.