Крысціна Сушчэня — вядучая СТБ і твар БСБ Банка — падзялілася абурэннем у інстаграме. Гэтым разам яна вырашыла звярнуцца па дапамогу ў міліцыю.
Крысціна распавяла, што ўчора нехта намаляваў на яе машыне мужчынскі палавы орган. Кажа, што шалёна раззлавалася, калі пабачыла шэдэўр.
— Я падыходжу да машыны і бачу на шкле вялізны малюнак мужчынскага палавога органа. Не першы раз такое «мастацтва», почырк я пазнала. Гэта значыць, тыя самыя дзеці. Я пачынаю гэта выціраць і тут заўважаю сляды ад красовак на заднім бамперы.
Пасля гэтага Крысціна вырашыла агледзець дах і знайшла там адбіткі рук, а яшчэ драпіны — вядучая думае, што іх спецыяльна зрабілі ключамі.
— Я была ў шаленстве. Па памеры слядоў зразумела, што гэта было дзіця. Я не разумею, што ў галаве ў чалавека, які гэта рабіў.
Вядучая напісала заяву ў міліцыю — бо адбылося такое ўжо другі раз і яна баіцца, каб не адбылося трэці. Яна спадзяецца, што сілавікі змогуць знайсці дзяцей. Але адзначае, што пад камеры назірання яе парковачнае месца не трапляе.
Крысціна мае страхоўку, але не хоча кожны раз матацца зафарбоўваць пашкоджанні. Таму хоча вырашыць праблему глабальна.
Зараз Крысціна Сушчэня знаходзіцца ў адпачынку па доглядзе за дзіцем. Паралельна здымаецца ў рэкламе і стала афіцыйным тварам БСБ Банка.
У тэлевізар Крысціна трапіла раней, чым паступіла на факультэт журналістыкі БДУ. Да дэкрэта яна вяла на СТБ навіны, а таксама ток-шоу «Вялікі горад» і «Кропкі над і».
Дарэчы, у 2020 годзе Крысціна (тады яшчэ Федаровіч) ледзь не выйшла замуж за «чалавека-баяна» Віталя Варанко. Артыст, які ў той час прысвяціў песню Лукашэнку, зрабіў ёй прапанову рукі і сэрца ўсяго праз тры месяцы пасля знаёмства ў інстаграме.
Адбылося ўсё ў навагоднюю ноч — Віталь знайшоў заручальны пярсцёнак у выглядзе кароны (з трыма дыяментамі) і пачуў «Так!».
«Камсамольская праўда», якая актыўна асвятляла гэту гісторыю кахання, падкрэслівала, што Крысціна з вельмі багатай сям’і. Летась, напрыклад, Крысціна запрасіла спяваць на свой дзень нараджэння расійскага артыста Дзмітрыя Малікава.
Але ж у выніку Крысціна і Віталь разышліся.
У хуткім часе дзяўчына выйшла замуж за Яўгена Сушчэню. Цяпер ён вядзе блог у інстаграме як касмолаг і агучвае там самыя дзіўныя канспіралагічныя тэорыі. Ён, напрыклад, сцвярджае, што чалавек, які заблукаў у лесе, крычыць «Агоў!», таму што гэтае слова гарманізуе прастору вакол яго. Сябе мужчына сціпла называе «яўГЕНІЙ з нараджэння».
Цяпер у пары напружаныя адносіны — пра гэта Крысціна расказвала ў сваім блогу. А пасля ўвогуле выдаліла ўсе сумесныя фота з мужам з інстаграма.
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары