Стала вядома імя пятага абмененага шпіёна, якога Польшча аддала Расіі
Загадкавым шпіёнам, чыё імя не называлася, а твар схавалі за бафам, аказаўся казахскі ваенны аташэ, які працаваў у Кіеве і шпіёніў на карысць Расіі. Менавіта сёння Аляксандр Лукашэнка пагаварыў з прэзідэнтам Казахстана Касым-Жамарт Такаевым.
Учора на польска-беларускай мяжы прайшоў абмен затрыманымі па формуле «пяць на пяць». Беларусь перадала Польшчы журналіста Андрэя Пачобута, манаха Гжэгажа Гавела і Томаша Бярозу, асуджанага па абвінавачанні ў шпіянажы. Таксама ў рамках абмену Расія перадала Малдове двух супрацоўнікаў малдаўскіх спецслужбаў, затрыманых у Расіі.
Сярод тых, каго перадала Польшча, — асуджаны ў Малдове за дзяржаўную здраду былы намеснік кіраўніка службы інфармацыі і бяспекі Малдовы Аляксандр Бэлан, беларус Уладзіслаў Надзейка, затрыманы ў Польшчы па абвінавачанні ў шпіянажы, расійскі археолаг Аляксандр Буцягін і затрыманая ў Малдове грамадзянка Расіі Ніна Папова.
Імя пятага ўдзельніка абмену, перададзенага ў Беларусь, не называлася.
Казах на службе Крамля
Польская прэса згадвае пра тое, што польскага каталіцкага святара Гжэгажа Гавела абмянялі на афіцэра казахстанскай вайсковай разведкі.
Чалавекам, якога Польшча перадала ў адказ, імаверна, стаў Ануар Бакібай — памочнік вайсковага аташэ пасольства Казахстана ва Украіне, арыштаваны ў Польшчы па падазрэнні ў шпіянажы на карысць РФ.
38‑гадовы дыпламат быў затрыманы ў польскім горадзе Быдгашч 30 ліпеня 2025 года.
Казахстанская прэса тады пісала, што Украіна не магла затрымаць Бакібая праз дыпламатычны імунітэт і перадала інфармацыю ў Польшчу.
Дыпламат шпіёніў для Крамля не толькі ва Украіне, але і ездзіў для гэтага ў Еўропу — збіраць інфармацыю пра аб'екты NATO.
Выпадак Бакібая стаў доказам залежнасці казахстанскіх спецслужбаў ад Крамля. «Гэтае затрыманне стала прамым сведчаннем таго, пра што мы гаворым на працягу многіх гадоў: спецслужбы Казахстана захоўваюць сістэмную залежнасць ад Крамля і нярэдка дзейнічаюць у інтарэсах расійскіх структур, уключаючы разведвальныя і гібрыдныя аперацыі», — пісалі праваабаронцы і актывісты ў лісце ў структуры ЕС.
Сёння ж Аляксандр Лукашэнка стэлефанаваўся з прэзідэнтам Казахстана Касым-Жамарт Такаевым. Паводле паведамлення прэс-службы, яны абмеркавалі пашырэнне двухбаковых сувязяў, абмяняліся віншаваннямі з Днём Перамогі, а таксама Лукашэнка зноў запрасіў наведаць Беларусь з афіцыйным візітам.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Клоуны и лицемеры.