«Не трэба каваным ботам стукаць у дзверы чалавеку». Але тычыць гэта не ўсіх.
Аляксандр Лукашэнка на нарадзе ў Мінску 30 красавіка заявіў пра недапушчальнасць перагібаў у працы кантралёраў.
Ён звярнуў увагу на нядаўнюю размову са старшынёй Камітэта дзяржкантролю Васілём Герасімавым, у якой ішла гаворка пра недапушчальнасць перагібаў у працы кантралёраў.
«Я проста хачу падкрэсліць — і ўраду, і губернатарам, і асабліва нашым парламентарыям. Васіль Мікалаевіч [Герасімаў] засвоіў.
Мы ні ў якім разе не павінны перайсці нейкую чырвоную лінію ў адносінах з нашым грамадствам і нашымі людзьмі, — сказаў Лукашэнка. — Ні ў якім разе мы не павінны заціскаць людзей так, што яны (асабліва кіраўнікі) будуць азірацца на кожны крок. Людзі хочуць жыць у сваёй краіне свабодна».
Паводле яго слоў, у прыватнасці ў працы КДК назіраецца пэўны крэн, якога быць не павінна. «Такое ёсць, хай не ў Герасімава, а ў падначаленых, у іншых — прыйсці і паказаць свой спрыт. Вось мала не падасца ад гэтага спрыту», — дадаў Лукашэнка.
Ён заявіў, што недапушчэнне такіх перагібаў з’яўляецца ў тым ліку зонай адказнасці ўрада і старшыняў аблвыканкамаў. У выпадку, калі такія перагібы ўсё ж маюць месца, можна звярнуцца да яго, запэўнівае ён.
Лукашэнка сказаў, што ў кайданкі трэба браць тых, хто гэтага заслугоўвае. Напрыклад, калі ў праваахоўнікаў ёсць інфармацыя пра тое ці іншае парушэнне. «Калі такой інфармацыі няма, не трэба каваным ботам стукаць у дзверы чалавеку. Ні ў якім разе», — сказаў ён.
Але з тымі, хто не падтрымлівае Лукашэнку, відаць, так можна. Ён такіх людзей, выглядае, абазначыў як тых, «хто хоча разбурыць краіну», і паставіў іх у адзін шэраг з жулікамі, хабарнікамі, прайдзісветамі.
«Ціснуць бязлітасна трэба на хабарнікаў, прайдзісветаў, жулікаў і тых, хто хоча разбурыць краіну. Тут прабачэння не павінна быць ніякага. Але хадзіць і стрыгчы пад адзін грэбень усіх, каго трэба і не трэба ў краіне, ні ў якім разе нельга», — рэзюмаваў Лукашэнка.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Цинизм чела не знает границ.... Советский Союз "развалился" по большому чсёту почему, думали комуняки одно, говорили другое,а ДЕЛАЛИ ТРЕТЬЕ.... Так и этот. И, поэтому" боится больше всего Честных, Свободный и Прозрачных Выборов. Знает Что скажет белорусский Народ.