Дарадца прэм'ера Літвы: Ніякіх перамоў пра транзіт беларускіх угнаенняў праз Літву не вядзецца
У адказ на заяву міністра замежных спраў пра тое, што адміністрацыя ЗША праяўляе «павышаную актыўнасць» у пытанні аднаўлення транзіту беларускіх угнаенняў, якія знаходзяцца пад санкцыямі ЕС, праз Літву, дарадца Інгы Ругінене зноў падкрэсліў, што ніякіх перамоў па гэтым пытанні не вядзецца, піша Delfi.lt.
«Пазіцыя Літвы застаецца яснай і паслядоўнай — мы прытрымліваемся і падтрымліваем санкцыі Еўрапейскага саюза супраць Беларусі. Ва ўмовах дзейных санкцый ЕС пытанне транзіту ўгнаенняў абмяркоўвацца не можа», — заявіў Ігнас Дабравольскас.
«Мы ўдзячныя ЗША за іх намаганні па аказанні дапамогі ў вырашэнні пытанняў па Беларусі ў такіх сферах, як рух фур, інцыдэнты з паветранымі шарамі і вызваленне палітычных зняволеных. Аднак ніякіх перамоў пра транзіт беларускіх угнаенняў праз Літву не вядзецца», — дадаў дарадца.
Каментары
И байкеров пора уже запускать,а то вокруг литвы ездить лень.