У модным жыллёвым комплексе пад Мінскам пабудуюць яшчэ адзін лайнхаўс. У чым фішка?
У «Зялёнай гавані» пачынаюць будаваць яшчэ адзін лайнхаўс — жылы дом з двухпавярховымі кватэрамі з асобнымі ўваходамі, вялікімі асабістымі ўчасткамі і навесамі для аўтамабіляў. Дом будзе ў прэстыжным «Гольф-квартале», паведамляе «Анлайнер».
Лайнхаўс №14.9 будзе пабудаваны па маналітнай тэхналогіі з запаўненнем прасценкаў керамзітабетоннымі блокамі.
У доме прадугледжаны два паверхі і ўсяго чатыры кватэры. Кожная — па 144,21 «квадрата». Участкі, якія належаць кватэрам, прыкладна супастаўныя па плошчы — ад 150 до 164 квадратных метраў.
З архітэктурных навінак праект можа пахваліцца другім святлом у гасцёўні. Такое рашэнне будзе прыменена ва ўсіх чатырох кватэрах і стане ключавой фішкай дома. За кошт высокай столі прастора кухні-гасцёўні будзе выглядаць аб’ёмнай і светлай. Вышыня столі на першым паверсе складзе да 2,8 «метра», на другім — да 3,1.
На першым паверсе прадугледжаны панарамны вітраж «у падлогу» з выхадам на ўласны ўчастак. Унутры будзе кухня-гасцёўня, пярэдняя з гардэробам або пральняй, санвузел і міні-кацельня з індывідуальным газавым катлом. На другім паверсе размесціцца майстар-спальня з гардэробнай і санвузлом і яшчэ два жылыя пакоі.
«Звонку будзе навес для аўтамабіля, утвораны паглыбленнем фасада. Менавіта гэтым лайнхаўсы адрозніваюцца ад класічных таўнхаўсаў. Балконы ў праекце не прадугледжаны: акцэнт зроблены на прыватны ўчастак і ўнутраную прастору дома.
Пры стварэнні лайнхаўса архітэктары натхняліся атмасферай гольф-клубаў. Таму ў аздабленні фасадаў з’явяцца высакародныя малочныя, бэжавыя, шэрыя і тэракотавыя адценні. Дом атрымае сучасную архітэктуру з лаканічнымі формамі, плоскім дахам і вялікімі вокнамі», — адзначаюць у «А-100 Дэвелапмент».
Продажы ўжо стартавалі. Кошт «квадрата» — ад $2360 па курсе. Кватэра цалкам абыдзецца ў $340 336, або амаль мільён рублёў.
Лайнхаўс плануецца здаць у трэцім квартале 2027 года.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары