U modnym žyllovym kompleksie pad Minskam pabudujuć jašče adzin łajnchaŭs. U čym fiška?
U «Zialonaj havani» pačynajuć budavać jašče adzin łajnchaŭs — žyły dom z dvuchpaviarchovymi kvaterami z asobnymi ŭvachodami, vialikimi asabistymi ŭčastkami i naviesami dla aŭtamabilaŭ. Dom budzie ŭ prestyžnym «Holf-kvartale», paviedamlaje «Anłajnier».
Łajnchaŭs №14.9 budzie pabudavany pa manalitnaj technałohii z zapaŭnieńniem praścienkaŭ kieramzitabietonnymi błokami.
U domie praduhledžany dva pavierchi i ŭsiaho čatyry kvatery. Kožnaja — pa 144,21 «kvadrata». Učastki, jakija naležać kvateram, prykładna supastaŭnyja pa płoščy — ad 150 do 164 kvadratnych mietraŭ.
Z architekturnych navinak prajekt moža pachvalicca druhim śviatłom u haścioŭni. Takoje rašeńnie budzie prymieniena va ŭsich čatyroch kvaterach i stanie klučavoj fiškaj doma. Za košt vysokaj stoli prastora kuchni-haścioŭni budzie vyhladać abjomnaj i śvietłaj. Vyšynia stoli na pieršym paviersie składzie da 2,8 «mietra», na druhim — da 3,1.
Na pieršym paviersie praduhledžany panaramny vitraž «u padłohu» z vychadam na ŭłasny ŭčastak. Unutry budzie kuchnia-haścioŭnia, piaredniaja z harderobam abo pralniaj, sanvuzieł i mini-kacielnia ź indyvidualnym hazavym katłom. Na druhim paviersie raźmieścicca majstar-spalnia z harderobnaj i sanvuzłom i jašče dva žyłyja pakoi.
«Zvonku budzie navies dla aŭtamabila, utvorany pahłybleńniem fasada. Mienavita hetym łajnchaŭsy adroźnivajucca ad kłasičnych taŭnchaŭsaŭ. Bałkony ŭ prajekcie nie praduhledžany: akcent zrobleny na pryvatny ŭčastak i ŭnutranuju prastoru doma.
Pry stvareńni łajnchaŭsa architektary natchnialisia atmaśfieraj holf-kłubaŭ. Tamu ŭ azdableńni fasadaŭ źjaviacca vysakarodnyja małočnyja, bežavyja, šeryja i terakotavyja adcieńni. Dom atrymaje sučasnuju architekturu z łakaničnymi formami, płoskim dacham i vialikimi voknami», — adznačajuć u «A-100 Deviełapmient».
Prodažy ŭžo startavali. Košt «kvadrata» — ad $2360 pa kursie. Kvatera całkam abydziecca ŭ $340 336, abo amal miljon rubloŭ.
Łajnchaŭs płanujecca zdać u trecim kvartale 2027 hoda.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary