Лідар КНДР мае намер узмацніць вайсковую моц на мяжы з Паўднёвай Карэяй, каб ператварыць яе ў «непрыступную крэпасць».
На сустрэчы ў нядзелю з камандзірамі дывізій і брыгад усіх родаў войскаў Кім Чэн Ын заклікаў скарэктаваць сістэму падрыхтоўкі і пашырыць практычныя вучэнні, каб паказаць змены ў сучаснай вайне, паведамляе Паўночнакарэйскае інфармацыйнае агенцтва.
Кім таксама заявіў, што планы па ўмацаванні перадавых падраздзяленняў на мяжы з Паўднёвай Карэяй, а таксама іншых буйных вайсковых частак, з’яўляюцца ключавымі для «больш стараннага стрымлівання вайны». Ён падкрэсліў неабходнасць пільнасці адносна «заклятага ворага» — так у Паўночнай Карэі называюць Паўднёвую.
Пры гэтым у Паўднёвай Карэі заявілі, што, імаверна, гэта першая сустрэча Кім Чэн Ын з камандзірамі дывізій і брыгад з моманту яго прыходу да ўлады.
Аб’яднаны штаб Паўднёвай Карэі ў панядзелак паведаміў, што паўночнакарэйскія войскі з сакавіка актывізавалі работы па ўмацаванні абарончых збудаванняў у раёнах паблізу сухапутнай мяжы паміж дзвюма Карэямі, у тым ліку будаўніцтва сцен.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў30
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары