Цэны на нерухомасць б’юць рэкорды. Нават у самым танным абласным цэнтры квадрат ужо за тысячу даляраў
Сярэдні кошт метра ў сталіцы працягвае расці і дасягнуў $2347, але даражэе нерухомасць не толькі ў Мінску.
Віцебск даганяе іншыя гарады
Паводле даных Realt.by, сярэдні кошт квадрата ў Віцебску дасягнуў $1020. І гэта самыя высокія цэны за апошнія дзесяць гадоў. Пры гэтым па стане на пачатак 2022‑га метр у гэтым абласным цэнтры каштаваў каля $620.
Даражэй, чым цяпер, метр у Віцебску каштаваў толькі ў 2013‑2014 — $1030-$1060 па рэальных здзелках.
За апошні год цана за квадрат у Віцебску ў даляравым вымярэнні вырасла амаль на чвэрць.
Што ў іншых абласных цэнтрах?
Віцебск традыцыйна з’яўляецца самым танным сярод абласных цэнтраў.
У Гомелі сярэдні кошт квадрата цяпер складае $1071. У Магілёве — $1080.
У абласных цэнтрах на захадзе краіны цэны традыцыйна вышэйшыя.
У Гродне метр у сярэднім каштуе $1161, а ў Брэсце — $1255.
Атрымліваецца, што цяпер ва ўсіх без выключэння абласных цэнтрах квадрат каштуе больш за $1000.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары
А ў абсалютных паказчыках квадратны метр дзьве зарплаты як быў так і ёсць.