Пуцін анансаваў на наступны год вучэнні «Шчыт Саюза» ў Беларусі
Прэс-служба Крамля апублікавала стэнаграму таго, што гаварылі прэзідэнт Расіі Уладзімір Пуцін і Аляксандр Лукашэнка падчас правядзення па відэасувязі вучэнняў ядзерных сілаў 21 мая. Сярод іншага Пуцін згадаў пра сумесныя мілітарныя мерапрыемствы, запланаваныя на гэты і наступны гады.
«Безумоўна, будзем павышаць боегатоўнасць іншых відаў і родаў войскаў, адпрацоўваць навучальна-баявыя задачы з улікам вопыту спецыяльнай ваеннай аперацыі, у тым ліку сёлета на сумесных трэніроўках і манеўрах.
Сярод іх выдзелю вучэнні Калектыўных сіл аператыўнага рэагавання АДКБ «Узаемадзеянне-2026» на расійскай тэрыторыі і міратворчых сіл АДКБ «Непарушнае братэрства-2026» на тэрыторыі Беларусі.
Акрамя таго, у наступным годзе плануем правесці аператыўныя вучэнні ўзброеных сіл Беларусі і Расіі «Шчыт Саюза — 2027», — заявіў Пуцін.
Пра планаваны маштаб і план гэтых вучэнняў пакуль нічога не паведамлялася, аднак любыя падобныя мерапрыемствы выклікаюць павышаную ўвагу хоць бы дзеля таго, што поўнамаштабная вайна Расіі супраць Украіны 24 лютага 2022 года пачалася адразу пасля завяршэння сумесных расійска-беларускіх вучэнняў «Саюзная рашучасць — 2022». Яны былі выкарыстаныя для таго, каб пад выглядам вучэнняў сцягнуць у Беларусь да мяжы з Украінай патрэбную для нападу колькасць войскаў.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары
па ходу «Шчыт Саюза — 2027» - гэта капец Беларусі (