Сібіга паабяцаў Ціханоўскай, што беспакараных не будзе, і падарыў архіўную перапіску УНР і БНР
Міністр замежных спраў Украіны Андрэй Сібіга пасля сённяшняй сустрэчы ў Кіеве са Святланай Ціханоўскай паведаміў пра яе вынікі ў сваім афіцыйным акаўнце ў сацсетцы X і зрабіў пры гэтым некалькі важных заяў.
Святлану Ціханоўскую Андрэй Сібіга называе «лідаркай беларускіх дэмакратычных сіл». Пры гэтым ён падкрэслівае:
«Украіна выразна адрознівае рэжым Лукашэнкі, які ўцягнуў Беларусь у расійскую вайну, і беларускі народ, які заслугоўвае свабоды. […]
Гледзячы ў будучыню, мы бачым свабодную, дэмакратычную Беларусь, якая далучыцца да Люблінскага трохкутніка разам з Украінай, Польшчай і Літвой».
Таксама украінскі міністр выказаў ад імя Украіны глыбокую ўдзячнасць беларускім добраахвотнікам, «больш за 90 з якіх аддалі свае жыцці, змагаючыся разам з украінцамі супраць расійскага імперыялізму».
«Беспакараных не будзе: рэжым Лукашэнкі нясе поўную сумесную адказнасць за агрэсію супраць Украіны. Мы абмеркавалі сумесныя намаганні па зборы доказаў для Спецыяльнага трыбунала ў Гаазе, а таксама прыцягненне рэжыму да адказнасці за злачынствы супраць украінскіх дзяцей.
Акрамя таго, я атрымаў ад нашых беларускіх гасцей новы пакет санкцыйных прапаноў, якія збіраюся вынесці на ўзровень ЕС.
Нашы нацыі таксама актывізуюць супрацоўніцтва ў гуманітарнай і інфармацыйнай сферах, уключаючы сумесны супраціў русіфікацыі і падтрымку беларускай мовы», — адзначыў Андрэй Сібіга.
«Як кранальны напамін пра нашы глыбокія карані, мы ўручылі нашым гасцям архіўныя дыпламатычныя дакументы Украінскай і Беларускай Народных Рэспублік. Гэтыя запісы даказваюць, што нашы дзяржавы мелі шчыльныя афіцыйныя і чалавечыя сувязі яшчэ да Савецкага Саюза», — адзначыў напрыканцы допісу міністр.
Святлана Ціханоўская ўшанавала ў Кіеве памяць загінулых герояў
Беларус пабачыў, што Ціханоўская ў Кіеве, і звярнуўся з нечаканай просьбай. Яна папрасіла пастукацца ў прыват
На Чарнобыльскай АЭС Святлану Ціханоўскую чакаў не толькі цёплы прыём, але і нечакана прыгожы стол
Рэдакцыя «Гродзенскай праўды» амаль у поўным складзе кінулася ў сацсеткі каментаваць візіт Ціханоўскай у Кіеў
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі42
Каментары
відавочна, што копіі :)
Акрамя ўсяго, УНР не прызнавала юрыдычна БНР.