Каханне і сэкс99

Праўладная блогерка Анджыліша, якая канфліктавала з кампаніяй нявесткі Лукашэнкі, выйшла замуж

Прапанову рукі і сэрца блогерка-мільённіца Анджыліша атрымала летась на канцэрце 3 ліпеня. Яе хлопец тады стаў на адно калена пад чырвона-зялёным сцягам і падарыў букет у абгортцы ў той жа каляровай гаме.

Ангеліна Міхалёва (Анджыліша) з мужам

Ангеліна Міхалёва (яна ж Анджыліша) ашчаслівіла сваю шматмільённую аўдыторыю навіной аб тым, што пабралася шлюбам. Яе абраннік — Улад Шума. Ён таксама спрабаваў развіваць свой блог у тыктоку, але змог дабіцца нашмат меншага поспеху, чым яго жонка. Калі на Анджылішу толькі ў гэтай сацыяльнай сетцы падпісана 3,8 мільёна чалавек, дык на Улада — каля 72 тысяч.

Вяселле было вельмі сціплым — пара проста распісалася ў ЗАГСе. Замест трэндавага букету з калаў, які спачатку планавала купіць Анджыліша за 350 рублёў, яна набыла ландышы ў пераходзе ў бабулі ды абвязала кветкі белай стужачкай. У выніку святочны букет абышоўся ўсяго ў 17 рублёў.

Пасля роспісу маладзёны пасядзелі ў рэстаране The View.

@andjilisha

уже оффициально!

♬ original sound - kendymatamis1

Але ж Анджыліша супакойвае аўдыторыю: вялікае свята яшчэ адбудзецца — запланавана яно на 15 жніўня. Там будзе і белая сукенка, і ўсё астатняе.

Нагадаем, некалькі гадоў таму дзеля блогерскай кар’еры Анджыліша нават кінула вучобу — яна вучылася ў Беларускім дзяржаўным універсітэце культуры і мастацтваў на культуролага-менеджара. Падпісчыкам тады Анджыліша шчыра прызналася, што вельмі баялася размеркавання: «Я вельмі хвалявалася, што мяне могуць куды-небудзь адправіць адпрацоўваць і мая кар’ера, якая ідзе ўверх, можа спыніцца».

Прасоўваннем Анджылішы як спявачкі займалася музычная кампанія «Флагман М'юзік», якая звязаная з нявесткай Лукашэнкі Ганнай Сялук. На Анджылішу час ад часу скардзілася даносчыца Вольга Бондарава, але здавалася, што папулярнай блогерцы з такім дахам хвалявацца нагоды няма.

Анджылішу разам з іншымі блогерамі Дзім Дзімычам і Улькай Пулькай актыўна выкарыстоўвалі для прапаганды сярод школьнікаў. Яны спявалі песні ў падтрымку Лукашэнкі, насілі яго мерч і выступалі на «Марафоне адзінства». А яшчэ далі канцэрт у акупаваным Крыме.

Засвяцілася Анджыліша і ў першым айчынным інтэрактыўным серыяле «Зумеры».

Але нешта пайшло не так. Летась у канцы снежня дзяўчына запісала відэа, у якім плакала праз тое, што ўсе яе песні былі выдалены.

Праз месяц блогерка расказала падпісчыкам падрабязнасці: «Флагман М'юзік», з якой яна працавала тры гады, забрала яе праект і выдаліла ўсе песні з музычных пляцовак.

— Яны на гэтым не спыніліся, і сёння ў артыста Анджы выйшаў новы трэк без майго ведама. Афіцыйна заяўляю: да гэтай песні я не маю ніякага дачынення. Вокладка, тэкст, біт зроблены з дапамогай нейрасетак — ізноў жа, без майго ўдзелу. Ніякага творчага працэсу з гэтымі людзьмі ў мяне ўжо даўно няма. Нас звязваюць толькі юрыдычныя моманты, якія зараз вырашаюцца. Ніякіх маральных ацэнак «Флагман М'юзік» я даваць не буду і не хачу. Проста гэтае дзеянне з іх боку, на маю думку, ганьбіць мой гонар і годнасць як артысткі.

У сваю чаргу «Флагман М'юзік» у сваіх сацсетках абвінаваціла Анджылішу ў інфантыльнасці.

Гэтыя месяцы сталі вельмі складанымі для раней любімай уладамі блогеркі. Нядаўна Анджыліша прызналася, што «забіла на сябе, сваю творчасць, сваё здароўе», бо ёй было вельмі дрэнна.

Кажа, што перастала рабіць усе працэдуры (нават манікюр), паправілася на некалькі кілаграмаў. І дайшла да таго, што не можа глядзець на сябе ў люстэрка.

Імаверна, да нейкага кампрамісу Анджыліша і «Флагман М'юзік» усё ж змаглі прыйсці: у сярэдзіне мая блогерка распавяла, што ўсе трэкі былі адноўлены на музычных пляцоўках. Але яна прамаўчала пра тое, што раптам знік яе акаўнт у інстаграме, дзе Анджыліша мела 123 тысячы падпісчыкаў.

Яшчэ раней за Анджылішу з «Флагман М'юзік» сышла блогерка Улька Пулька — Ульяна Сталярова стварыла гэты вобраз цалкам самастойна. Усе свае старонкі ў сацыяльных сетках дзяўчына была вымушана пакінуць ва ўласнасці музычнай кампаніі. Пры гэтым толькі на ютуб-канале дзяўчына мела больш за 3 мільёны падпісчыкаў.

Кампанія ж перадала сацсеткі Сталяровай іншай дзяўчыне —15‑гадовай мінскай школьніцы з сям'і вайскоўцаў Арыне Раманавай. Цяпер тая спрабуе скараць аўдыторыю як Улька Пулька — але без асаблівага поспеху.

Каментары9

  • Мне просто спросить
    31.05.2026
    А Селук на свадьбу позвали?))
  • Дзе
    31.05.2026
    Навошта нам гэта ў бастыёне?
  • Совет да любовь
    31.05.2026
    Пусть нарожают побольше новых блогеров😍

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць