А Украіна, на думку прэс-сакратара прэзідэнта Расіі, пераводзіць канфлікт у іншую парадыгму.
Дзмітрый Пяскоў пракаментаваў расійскі ўдар па Украіне. «Вы бачыце, што наносяцца сістэмныя ўдары па ваеннай інфраструктуры кіеўскага рэжыму. Па Кіеве, па іншых гарадах», — заявіў афіцыйны прадстаўнік Крамля журналістам.
Ён таксама растлумачыў словы Пуціна, які раней казаў, што ўкраінскія ўлады ўдарамі па Старабельску і Генічэску вырашылі «надаць канфлікту ў цэлым новую якасць».
Каледж у Старабельску, паводле слоў Пяскова, «ніколі не быў ваенным ці каляваенным аб’ектам».
«Кіеўскі рэжым гэта выдатна ведаў і знішчыў каледж, ведаючы гэта, абсалютна наўмысна. Адпаведна, калі кіеўскі рэжым свядома ідзе на такія бесчалавечныя, што знаходзяцца за межамі чалавечнасці, тэрарыстычныя акты ў дачыненні да мірнага насельніцтва, у дачыненні да дзяцей, гэта і ёсць зусім іншая парадыгма», — сказаў афіцыйны прадстаўнік Крамля.
Пасля ўдару па Старабельску ў ноч на 21 мая, у выніку якога загінуў 21 чалавек, Пуцін даручыў Міністэрству абароны Расіі «прадставіць свае прапановы» наконт мер у адказ.
Пасля гэтага Кіеў і іншыя гарады Украіны падвергліся масіраваным ударам, у якіх былі задзейнічаны больш за 600 беспілотнікаў, у ноч на 24 мая і ў ноч на 2 чэрвеня.
Падчас сённяшняга ўдару ў Кіеве загінулі шэсць чалавек, колькасць ахвяраў у Дняпры дасягнула 12. Некалькі дзясяткаў чалавек параненыя.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары