Былы каліновец Аляксандр «Кусь» Клачко пагаліўся. Ён зрабіў гэта на знак падтрымкі добраахвотніка Аляксандра «Лахвіча» Наўковіча, якога прымусіў пагаліцца і запісаць прыніжальнае «пакаяннае» відэа Радыён «Гена» Батулін.
Клачко кажа на відэа, што знаходзячыся ва Украіне, ён пагаліўся, а таксама пагаліў вусы.
Ён зрабіў гэта ў падтрымку блізкага яму чалавека, беларускага дзейнага добраахвотніка Аляксандра Наўковіча з пазыўным «Лахвіч».
«Бо не вусы робяць чалавека годным. Я ведаю двух амаральных бандытаў, якія носяць вусы: гэта Лукашэнка і Радыён Батулін — украінскі бандыт, які дзіўным чынам апынуўся ў асяроддзі беларускіх добраахвотнікаў», — кажа Клачко.
Ён запісаў зварот да беларускіх дзейных і былых добраахвотнікаў. «Кусь» кажа, што паважае тых, хто прыйшоў змагацца, каб вызваліць украінскую зямлю, каб у будучыні Беларусь змагла стаць вольнай і незалежнай краінай.
«Мяне, вас можна запалохаць, можна паспрабаваць і нават маральна зламаць. Мы можам загінуць пры тых ці іншых абставінах. Але нас нельга прымусіць паважаць лайно», — гаворыць Аляксандр.
«Бо хіба можна паважаць тых, хто абсцыкае людзей? Хто ўстаўляе бутэлькі ў дупу? Хто прымусам, зграяй прымушае пагаліцца і збрыць вусы? Хто баіцца чужога меркавання, бо калісьці ў мінулым атрымаў маральную траўму і зараз такім чынам спрабуе яе кампенсаваць? Нельга», — кажа Клачко.
Ён просіць пабрацімаў вызначыцца і адказаць на пытанне: «ці паважаю я бандыта, ці я за тое, каб ён быў прыцягнуты да адказнасці?»
Разборкі ў кадыраўскім стылі, калі беларускага добраахвотніка Лахвіча пагалілі налыса і знялі прыніжальнае «пакаяннае» з ім відэа, атрымалі шырокі рэзананс. Пазней Лахвіч пацвердзіў, што запісаў «пакаяннае» відэа паголеным пасля сустрэчы з Рыдыёнам Батуліным. Лахвіч сцвярджае, што пасля яны з Батуліным «паціснулі адзін аднаму рукі і разышліся».
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя4
Каментары
каментар -
ии 01.06.2026
нейкая мутная гісторыя...
а можа такое быць, што Лахвіч сам пагаліўся на знак пратэсту і відэа такое зняў?
- гэта мой
Галовы брыць адно аднаму і пагоны вешаць? - Гонар маем!