Наступныя выходныя — 6—7 чэрвеня — можна будзе пабываць на экскурсіі па палях півоняў.
Арганізуюць яе ў гаспадарцы, якая стала вядомай дзякуючы гектарам цюльпанаў, — «Знаходка Палесся» паблізу аграгарадка Тышковічы. Фармат — пробны: турысты змогуць пабываць тут упершыню, піша Onliner.by.
Як расказаў журналістам дырэктар гаспадаркі Раман Шпак, масавага доступу на поле, як у выпадку з цюльпанамі, не будзе. Сюды трапяць толькі ўдзельнікі некалькіх арганізаваных тураў.
Спачатку ён быў супраць гэтай ідэі. Усё звязана з тэхналогіяй вырошчвання півоняў. Півоні высаджваюць непасрэдна дзеля кветак. І зразаюць іх не раскрытымі, а ў выглядзе шарыкаў.
Усяго півонямі засаджана 3 гектары.
Так палі выглядалі ў мінулым годзе:
Пионовые поля в нашем хозяйстве
«У нейкай ступені гэта больш нагадвае прамысловы турызм. Ведаеце, як прыязджаюць на малочны камбінат глядзець на вытворчасць сыркоў. Мы таксама будзем расказваць пра тэхналогію, паліў, паказваць, як усё ўладкавана.
Але будзе і яшчэ адна асаблівасць: можна будзе сабраць букет проста на полі. 5 півоняў для кожнага ўключаны ў кошт».
Сёння можна палюбавацца чырвонымі півонямі, каралавыя ўжо адцвілі. На падыходзе — ружовыя і белыя, ёсць шанцы, што яны расцвітуць да выходных.
Раман расказвае, што побач з гаспадаркай ёсць пустуючыя 7 гектараў і плануюць зрабіць там сад. Калі ўсё атрымаецца, там абавязкова высадзяць і півоні. Але палюбавацца імі можна будзе ўжо ў наступных сезонах.
Што тычыцца будучай экскурсіі, яе арганізуе тураператар Amazing day. Выезды запланаваны з Мінска і з Гродна. Ёсць варыянты камбітуры з наведваннем Косава, Моталя і Грушаўкі, што ў Ляхавіцкім раёне, на выбар. Кошт такой паездкі — 200 рублёў. Наведванне толькі палёў півоняў — 170 рублёў.
У апісанні да публікацыі арганізатары нават адзначылі, што «пост выклікаў вялікі ажыятаж, і Instagram зноў вынес нам папярэджанне: алгарытм лічыць, што ўсе вашы каментары па запыце праграмы — атака ботаў». Дарэчы, за 18 гадзін пад ім пакінулі каля 600 каментароў.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі28
Каментары