Генсак НАТА пра абстрэл Пецярбурга ў дні эканамічнага форуму: патрэбны дазвол Зяленскага, як на 9 мая
Марк Рутэ пакпіў з Пуціна.
У НАТА не бачаць праблем у абстрэле Украінай Санкт-Пецярбурга ў дзень, калі там стартуе Пецярбургскі міжнародны эканамічны форум (ПМЭФ) — ключавая міжнародная падзея для Пуціна. Пра гэта генсак НАТА Марк Рутэ заявіў 3 чэрвеня на сумеснай прэс-канферэнцыі з Уладзімірам Зяленскім у Кіеве, паведамляе «Еўрапейская праўда».
Рутэ правёў паралель паміж гэтай падзеяй і парадам Перамогі 9 мая, правядзенне якога было вельмі важным для Пуціна.
«Украіна зараз дасягнула такіх поспехаў, што Пуцін можа арганізаваць парад 9 мая толькі дзякуючы афіцыйнаму ўказу вось гэтага прэзідэнта», — заявіў ён, паказаўшы на Зяленскага.
Генсак НАТА звярнуўся да ўкраінскага лідара з успамінамі пра тыя падзеі:
«Здаецца, вы тады дазволілі яму [Пуціну] праводзіць парад на працягу дзвюх гадзін. І ён скончыў гэта за 1 гадзіну 55 хвілін, то-бок вырашыў не рызыкаваць».
Напярэдадні параду 9 мая Зяленскі, рэагуючы на зварот партнёраў, даў гарантыю таго, што Масква не сутыкнецца з абстрэламі з боку Украіны і афіцыйна, сваім указам, даў дазвол Пуціну правесці парад на Чырвонай плошчы.
Уладзімір Зяленскі дадаў, што мэтай не была атака менавіта на Пуціна, які плануе наведаць ПМЭФ.
«Шчыра кажучы, я не сачу, у мяне няма праграмкі, куды Пуцін едзе ў які дзень. Мы адказваем на ўдары па Украіне. Я лічу, што мы наносім справядлівыя ўдары. Суткі таму была масаваная атака, мы адказалі ім адпаведна. Але мы адказваем [ударамі] выключна па НПЗ і вайсковых цэлях, справядлівых цэлях. Вось што робіць Украіна», — дадаў ён.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары
а нехта некалі казаў, што ната (зша) не ваюе ва Украіне