Камандуючы Сіламі беспілотных сістэм Украіны Роберт «Мадзяр» Броўдзі ў інтэрв'ю агенцтву Reuters заявіў, што ў найбліжэйшай будучыні Украіна плануе ізаляваць акупаваны Крым ад Расіі, узяўшы пад кантроль ключавыя шляхі забеспячэння расійскіх войскаў.
Па словах «Мадзяра», актыўныя ўдары ўкраінскіх беспілотнікаў па акупаваных тэрыторыях ужо істотна ўскладнілі лагістыку праціўніка і пастаўкі паліва. Асаблівая ўвага надаецца трасе Р-280, якая злучае Растоў-на-Доне з Крымам і з’яўляецца важным маршрутам для расійскай арміі.
Броўдзі сцвярджае, што інтэнсіўнасць руху па гэтай дарозе за апошні месяц значна знізілася, а ў хуткім часе яна можа аказацца пад поўным агнявым кантролем Украіны.
Вайсковыя аналітыкі адзначаюць, што кампанія ўкраінскіх удараў па тылавых аб’ектах на акупаваных тэрыторыях зменшыла магчымасці расійскіх войскаў забяспечваць фронт, а таксама аслабіла сістэму супрацьпаветранай абароны, што дазволіла наносіць удары па больш аддаленых вайсковых і прамысловых аб’ектах.
Па словах «Мадзяра», галоўная мэта такой стратэгіі — стварыць умовы, пры якіх знаходжанне расійскіх вайскоўцаў і супрацоўнікаў абароннай сферы ў Крыме і на іншых акупаваных тэрыторыях стане надзвычай складаным.
Пасля знішчэння Чангарскага моста і закрыцця яшчэ адной важнай пераправы паміж Генічэскам і Арабацкай Стрэлкай магчымасці для перамяшчэння расійскіх сіл у гэтым рэгіёне яшчэ больш скараціліся.
УСУ нанеслі ўдар па месцы дыслакацыі расійскага сапёрнага палка на Данбасе
УСУ атакавалі масты, якія вядуць у Крым
«Украіна не прайграе, Расія не перамагае». Эн Эплбаум пра пералом у вайне, які мяняе ўсё
УСУ перакрылі яшчэ адзін мост у Крым
У Севастопалі згарэў музей Крымскай вайны ХІХ стагоддзя. Расіяне заяўляюць пра ўдары дронаў
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары