Беларускі выкладчык гандляваў адзнакамі ў расійскім авіяцыйным каледжы. Пяцёрка — 75 беларускіх рублёў
32‑гадовы хабарнік Аляксандр Балуха прасіў курсантаў скінуць грошы яму на мабільнік.
Грамадзянін Беларусі Аляксандр Балуха прызнаны вінаватым у атрыманні 24 дробных хабараў. Агулам ён зарабіў 37 500 расійскіх рублёў (гэта каля 1425 беларускіх рублёў).
Рыльскі раённы суд Курскай вобласці Расіі прысудзіў Балуху штраф сумай 100 000 рублёў (каля 3800 беларускіх рублёў). Трэба аплаціць і суму атрыманых хабараў.
Балуха працаваў майстрам вытворчага навучання ў Рыльскім авіяцыйным тэхнічным каледжы, гэта філіял Маскоўскага дзяржаўнага тэхнічнага ўніверсітэта цывільнай авіяцыі (МДТУ ГА) у Курскай вобласці. На гэтую пасаду яго прынялі ў сакавіку 2022 года, а звольнілі ў лістападзе 2024 года, калі стала вядома пра хабары.
Балуха браў грошы з курсантаў за фармальную здачу прамежкавай атэстацыі па прадмеце «Вучэбная практыка». Кошт залежаў ад жаданай адзнакі: «тройка» каштавала ад 1000 расійскіх рублёў (прыкладна ад 38 беларускіх рублёў), «чацвёрка» — ад 1500 расійскіх рублёў (каля 57 беларускіх рублёў), «пяцёрка» — 2000 рублёў (каля 76 беларускіх рублёў). Курсанты пералічвалі сродкі на нумар тэлефона, прывязаны да рахунку Балухі. Пасля гэтага ён выстаўляў абяцаную адзнаку, не правяраючы нічые веды.
Беларускі выкладчык прызнаў віну і нават напісаў яўку з павіннай па некаторых эпізодах — але толькі пасля таго, як яго схапілі на гарачым.
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус трапіў беспілотнік58
Каментары
Прыабшчылся к ценносцям міравога ўравня, але праз рускую культуру.
))