«Вельмі цікавыя заявы саюзніка Пуціна». Кіраўнік МЗС Германіі адрэагаваў на заявы Лукашэнкі пра вайну ва Украіне
Міністр замежных спраў Ёган Вадэфуль мяркуе, што ўжо ўлетку можа з’явіцца магчымасць пачаць перамовы аб спыненні вайны Расіі супраць Украіны, піша Радыё Свабода.
«Цяпер ёсць шанец, мяркую, ужо гэтым летам пачаць перамовы», — сказаў Ёган Вадэфуль у інтэрв’ю медыягрупе RTL.
Паводле яго, прэзідэнт Расіі Уладзімір Пуцін можа быць больш адкрытым да дыялогу, чым раней. «Магчыма, ён цяпер знаходзіцца на такім этапе, калі сур’ёзна задумваецца», — не выключыў нямецкі міністр.
У гэтым кантэксце Ёган Вадэфуль згадаў заяву Аляксандра Лукашэнкі, якую той зрабіў у інтэрв’ю тэлеканалу Al Arabiya English, — «ні Расія, ні Украіна не могуць перамагчы ў вайне ваенным шляхам».
«Гэта цікавая заява вельмі блізкага саюзніка Пуціна», — адзначыў ён.
Кіраўнік МЗС дадаў, што «Украіна ўвесь гэты час была гатовая да перамоў» і што цяпер «Уладзімір Пуцін павінен вырашыць — ці хоча ён весці перамовы, ці далей ваяваць».
Ёган Вадэфуль нагадаў, што Нямеччына разам з Францыяй і Вялікабрытаніяй таксама гатовыя ўдзельнічаць у перамовах аб завяршэнні вайны ва Украіне.
Лукашэнка папрасіў прабачэння ў Зяленскага
Лукашэнка ўпершыню заклікаў і Расію «пайсці на кампраміс»
Лукашэнка прызнаў, што Расія ва Украіне не дасягнула мэтаў. Патлумачыў гэта тым, што Пуціна падманулі Ватыкан і яўрэйскае лобі
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары
[Зрэдагавана]