«Непрымальныя і глыбока трывожныя словы». МЗС Ізраіля выдала пратэст у сувязі з выказваннямі Лукашэнкі
Міністэрства замежных спраў Ізраіля ў сваім афіцыйным акаўнце ў сацсетцы X адрэагавала на выказванні Аляксандра Лукашэнкі ў інтэрв'ю тэлеканалу Al Arabiya, якія былі расцэненыя ў яўрэйскай дзяржаве як антысеміцкія.
«Гэтыя заўвагі, зробленыя прэзідэнтам Беларусі — краіны, якая занадта добра ведае жахі Халакосту, здзейсненага на яе ўласнай зямлі, — у яго інтэрв'ю тэлеканалу Al Arabiya, з'яўляюцца непрымальнымі і глыбока трывожнымі.
Любыя параўнанні паміж Халакостам яўрэйскага народа і справядлівай вайной Ізраіля супраць тэрарызму павінны быць катэгарычна адхіленыя.
Гэтак жа жахае і адраджэнне мярзотных, састарэлых антысеміцкіх тэорый змовы, якія даўно павінны былі адысці ў гісторыю», — гаворыцца ў заяве ізраільскага МЗС.
Перад гэтым Аляксандр Лукашэнка ў інтэрв’ю тэлеканалу Al Arabiya заявіў, што Ізраілю варта быць больш асцярожным у сваіх дзеяннях у кантэксце цяперашняга канфлікту на Блізкім Усходзе.
Ён таксама раскрытыкаваў дзеянні Ізраіля ў сектары Газа, заявіўшы, што масавыя ахвяры сярод мірнага насельніцтва, у тым ліку жанчын і дзяцей, негатыўна паўплывалі на стаўленне да Ізраіля ў свеце.
«Таму тут трэба Ізраілю быць акуратнейшымі, асцярожнейшымі. Яны ўжо і так у сусветнай супольнасці атрымалі такі рэйтынг, што далей няма куды, разбамбіўшы Газу. Нават у гісторыю многія паглядзелі: «Які Халакост?! Які можа быць Халакост, пра які ізраільцяне казалі, калі яны забілі столькі людзей, і перш за ўсё жанчын і дзяцей? — адзначыў Лукашэнка. — Там наогул усё сцерлі з твару зямлі. Якісьці курорт збіраюцца на касцях людзей пабудаваць. Гэта ж глупства поўнае».
На заканчэнне тырады Лукашэнка параіў ізраільскаму кіраўніцтву «ўзяць галаву ў рукі» і задумацца пра будучыню сваёй дзяржавы. Паводле яго слоў, далейшая эскалацыя канфлікту можа прывесці да цяжкіх наступстваў, і нават наяўнасць ядзернай зброі не гарантуе бяспекі краіны.
Таксама ён згадаў Ізраіль, згадваючы пра пачатковы этап развязанай Расіяй пры сваёй ўласнай падтрымцы поўнамаштабнай вайны ва Украіне. Ён абвінаваціў яўрэйскую дзяржаву ў тым, што яна, маўляў, разам з Ватыканам у той час перашкодзіла дасягненню міру, на які быў нібыта гатовы пайсці Пуцін, але яго падманулі:
«Чарговы раз, напэўна, — я ведаю — гэтыя сілы падманулі. Гэта быў Ватыкан. І, што дзіўна, яўрэйскае лобі, ізраільцяне. Яны ад імя Зяленскага заяўлялі: усё, ідзём на мір, згаджаемся. Ну і іншыя».
Яраслаў Чарнагор пра інтэрв'ю Лукашэнкі: Уважліва слухаем, але абсалютна не давяраем яго словам
Лукашэнка ўвязаў вызваленне палітвязняў з адкрыццём амерыканскага пасольства і фінансавымі пытаннямі
Лукашэнка ўпершыню заклікаў і Расію «пайсці на кампраміс»
Лукашэнка папрасіў прабачэння ў Зяленскага
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны
Лукашэнка прызнаў, што Расія ва Украіне не дасягнула мэтаў. Патлумачыў гэта тым, што Пуціна падманулі Ватыкан і яўрэйскае лобі
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж23
Каментары