Гурневіч заклікаў падпісаць петыцыю за ўсталяванне БЧБ-сцяга на Грунвальдскім полі
Журналіст Дзмітрый Гурневіч звярнуў увагу на грамадскую ініцыятыву — зварот да кіраўніцтва Музея Бітвы пад Грунвальдам з просьбай усталяваць на тэрыторыі мемарыяльнага комплексу бел-чырвона-белы штандар.
Сёння на Грунвальдскім полі лунаюць дзяржаўныя сцягі Польшчы, Літвы і Украіны, аднак беларуская сімволіка, нягледзячы на каласальны гістарычны ўклад нашых продкаў у супольную перамогу 1410 года, там адсутнічае.
Аўтары петыцыі нагадваюць, што харугвы Вялікага Княства Літоўскага, сфармаваныя на беларускіх землях — у Полацку, Віцебску, Наваградку, Гродне, Менску і іншых гарадах, — змагаліся супраць Тэўтонскага ордэна нароўні з саюзнікамі.
Усталяванне БЧБ-сцяга, пад якім беларусы абвясцілі сваю дзяржаўнасць у 1918 годзе, аднавілі незалежнасць у 1991 годзе, які ў 2020 годзе стаў сімвалам мірнага пратэсту супраць фальсіфікацыі выбараў і дыктатуры, аўтары называюць актам гістарычнай справядлівасці. А таксама знакам салідарнасці ў час, калі беларускі народ перажывае прыгнёт дыктатуры і ідэалогіі рускага свету.
Дзмітрый Гурневіч назваў гэтую ініцыятыву «вельмі талковай», аднак выказаў здзіўленне нізкай актыўнасцю суайчыннікаў.
Паводле яго слоў, пры наяўнасці сотняў тысяч беларусаў у Польшчы петыцыю на момант публікацыі падпісалі ўсяго каля 200 чалавек.
Журналіст заклікаў да масавай падтрымкі звароту і адзначыў, што было б ідэальна, каб подпісы пад ім паставілі і вядомыя беларускія палітыкі, якія зараз знаходзяцца ў Польшчы, уключаючы Зянона Пазняка, Святлану Ціханоўскую, Паўла Латушку і Андрэя Саннікава.
Сам Гурневіч петыцыю не толькі ўжо падтрымаў, але і паабяцаў дадаткова звязацца з кіраўніцтвам музея па тэлефоне, каб асабіста агучыць гэтую просьбу.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос15
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
Русь там ужо прадстаўлена. Нашто яшчэ?