Стала вядома, з кім можа згуляць «МЛ Віцебск», калі пройдзе першы раўнд Лігі чэмпіёнаў. Здаецца, зусім без шанцаў
Учора чэмпіён Беларусі па футболе атрымаў у супернікі ў першым раўндзе кваліфікацыі Лігі чэмпіёнаў румынскую «Універсітацю» з Краёвы.
Сёння стала вядома кола супернікаў, хто можа трапіцца ў другім раўндзе, калі беларускі клуб пераможа румынаў.
Сярод патэнцыйных супернікаў — «Дынама» (Заграб), «Слован» (Браціслава), «Амонія» (Кіпр), «Цэле» (Славенія), «Хапаэль» (Беер-Шэва, Ізраіль) і пераможца пары «Борац» (Боснія) — «Леўскі» (Балгарыя).
Дакладны магчымы супернік вызначыцца сёння а 14-й.
Матчы першага раўнду пройдуць 7‑8 і 14‑15 ліпеня, другога — 21‑22 і 28‑29 ліпеня.
Калі «МЛ Віцебск» вылеціць у першым раўндзе Лігі чэмпіёнаў, то ён атрымае шанец працягнуць барацьбу ў кваліфікацыі Лігі канферэнцый.
Ён згуляе з адным з няўдачнікаў параў:
«Борац» (Боснія — «Леўскі» (Балгарыя), «Кайрат» (Казахстан) — «Суцьека» (Чарнагорыя), «Вікінгур» (Ісландыя) — «Дзьёр» (Венгрыя).
У першым раўндзе кваліфікацыі Лігі канферэнцый мінскае «Дынама» згуляе з паўночнамакедонскім «Сілексам», а БАТЭ з албанскім «Эльбасані».
Так, калі БАТЭ пераможа албанцаў, то ў другім раўндзе можа згуляць з турэцкім «Істанбул Басахшэхірам», партугальскай «Брагай», нарвежкім «Бранам», швейцарскім «Сбёнам», пераможцам пары «Марсашлок» (Мальта) — «Пюнік» (Арменія)
У мінскага «Дынама», якое мае найлепшыя шанцы на другі этап, у другім раўндзе можа трапіцца хтосьці з наступных камандаў: «Нефтчы» (Азербайджан), «Хапаэль» (Тэль-Авіў), «Ваелат» (Мальта), пераможца параў «Шэрыф» (Ціраспаль) — «Алюміній» (Славенія), «Дзіла» (Грузія) — «Віртус» (Сан-Марына).
Усе магчымыя супернікі стануць вядомыя а 16-й.
Каментары