У краіне ўведзена надзвычайнае становішча.
Увечары ў сераду на захад ад сталіцы Венесуэлы адбыліся два моцныя падземныя штуршкі магнітудай 7,2 і 7,5. У выніку ў Каракасе абрынуліся будынкі, а спецыялісты прагназуюць вялікую колькасць ахвяр, піша Бі-бі-сі.
Паводле даных Геалагічнай службы ЗША (USGS), другі землетрус адбыўся менш чым праз хвіліну пасля першага.
«Верагодныя вялікія чалавечыя страты і маштабныя разбурэнні, а катастрофа, хутчэй за ўсё, будзе насіць шырокамаштабны характар», — заявілі ў USGS, адзначыўшы, што, паводле папярэдніх ацэнак,
колькасць загінулых можа скласці ад 10 тысяч да 100 тысяч чалавек.
Улады пакуль не прадставілі ацэнак колькасці загінулых і пацярпелых.
«У Каракасе абрынуліся некаторыя будынкі», — заявіў міністр унутраных спраў Венесуэлы Дыясдада Кабельа ў эфіры дзяржаўнага тэлебачання.
В.а. прэзідэнта Венесуэлы Дэлсі Радрыгес абвясціла пра ўвядзеннн рэжыму надзвычайнага становішча. Таксама яна паведаміла аб закрыцці міжнароднага аэрапорта Каракаса з-за пашкоджанняў, атрыманых у выніку землятрусу.
Многія венесуэльцы падчас землетрусу знаходзіліся дома.
У гэты дзень краіна адзначала гадавіну Бітва пры Карабоба, калі армія Сімона Балівара перамагла іспанскія войскі і забяспечыла незалежнасць Венесуэлы.
Многія жыхары Каракас, якія выбеглі на вуліцы, узгадвалі папярэдняе разбуральнае землетрасенне 1967 года. Тады найбольш пацярпела сталіца краіны. У двух раёнах горада — Палас-Грандэс і Альтаміра — абрынуліся жылыя дамы. Усяго тады загінула больш за 200 чалавек.
Дыясдада Кабельа згадаў менавіта гэтыя два раёны, калі гаварыў пра разбураныя будынкі. Паводле яго слоў, землетрасенне таксама адчувалася ў штатах Трухільё, Яракуй, Карабоба, Арагуа, Міранда і Ла-Гуайра.
80‑гадовая пенсіянерка Марыя Рамера з паўднёвай часткі Каракаса расказала, што паліцыя дапамагла ёй выбрацца з дома.
«Гэты землятрус быў жахлівым, нават горшым, чым у 1967 годзе», — дадала яна.
Амерыканская сістэма папярэджання аб цунамі выпусціла паведамленне аб пагрозе цунамі для Пуэрта-Рыка і Амерыканскіх і Брытанскіх Віргінскіх выспаў пасля землятрусу.
Таксама паведамлялася, што высокая хваля можа закрануць астравы каля ўзбярэжжа Венесуэлы — Аруба, Кюрасаа і Банайрэ. Аднак прыкладна праз гадзіну гэтае папярэджанне было адменена.
Пасля землятрусу ў Венесуэле быў уведзены рэжым надзвычайнага становішча.
Каментары