ЗША не будуць прымаць людзей, якія просяць палітычнага прытулку на мексіканскай мяжы
Вярхоўны суд ЗША ў чацвер падтрымаў спробу адміністрацыі Трампа ўзмацніць магчымасці па рэгуляванні ўезду асоб, якія просяць прытулку на мяжы ЗША і Мексікі.
У рашэнні 6 галасоў супраць 3 суд пастанавіў, што чалавек, які спрабуе ўехаць у ЗША праз паўднёвую мяжу, не можа прэтэндаваць на прытулак, калі ён звяртаецца да ўладаў, знаходзячыся яшчэ на мексіканскай тэрыторыі, бо фармальна ён не знаходзіцца ў Злучаных Штатах, піша NBCnews.com
Згодна з федэральным іміграцыйным заканадаўствам, чалавек можа прасіць прытулку толькі ў тым выпадку, калі ён «фізічна прысутнічае» ў краіне або «прыбывае ў Злучаныя Штаты».
Палітыка, упершыню ўведзеная ў іншай форме пры прэзідэнце Бараку Абаме ў 2016 годзе, была накіравана на тое, каб не дапусціць запуску гэтай працэдуры шляхам забароны супрацоўнікам мытнай і памежнай службы ЗША дазваляць людзям увайсці ў памежную зону, калі яна прызнаецца перагружанай.
Суд пагадзіўся, што адміністрацыя Трампа можа зноў увесці гэтую палітыку. Улады могуць зноў не даваць некаторым людзям магчымасці падаць заяву на прытулак, не дазваляючы ім перасекчы мяжу і звярнуцца да іміграцыйных афіцэраў.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары