ZŠA nie buduć prymać ludziej, jakija prosiać palityčnaha prytułku na mieksikanskaj miažy
Viarchoŭny sud ZŠA ŭ čaćvier padtrymaŭ sprobu administracyi Trampa ŭzmacnić mahčymaści pa rehulavańni ŭjezdu asob, jakija prosiać prytułku na miažy ZŠA i Mieksiki.
U rašeńni 6 hałasoŭ suprać 3 sud pastanaviŭ, što čałaviek, jaki sprabuje ŭjechać u ZŠA praz paŭdniovuju miažu, nie moža pretendavać na prytułak, kali jon źviartajecca da ŭładaŭ, znachodziačysia jašče na mieksikanskaj terytoryi, bo farmalna jon nie znachodzicca ŭ Złučanych Štatach, piša NBCnews.com
Zhodna ź fiederalnym imihracyjnym zakanadaŭstvam, čałaviek moža prasić prytułku tolki ŭ tym vypadku, kali jon «fizična prysutničaje» ŭ krainie abo «prybyvaje ŭ Złučanyja Štaty».
Palityka, upieršyniu ŭviedzienaja ŭ inšaj formie pry prezidencie Baraku Abamie ŭ 2016 hodzie, była nakiravana na toje, kab nie dapuścić zapusku hetaj pracedury šlacham zabarony supracoŭnikam mytnaj i pamiežnaj słužby ZŠA dazvalać ludziam uvajści ŭ pamiežnuju zonu, kali jana pryznajecca pierahružanaj.
Sud pahadziŭsia, što administracyja Trampa moža znoŭ uvieści hetuju palityku. Ułady mohuć znoŭ nie davać niekatorym ludziam mahčymaści padać zajavu na prytułak, nie dazvalajučy im pierasiekčy miažu i źviarnucca da imihracyjnych aficeraŭ.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary