«Ужо другі раз нашы санкцыйныя меры ў адказ на тое, што Расія зацягвае вайну, дасягнулі нафтаперапрацоўчага завода ва Уфе — аднаго з найбуйнейшых расійскіх вытворцаў змазачных матэрыялаў. Адлегласць да аб'екта — больш за 1300 кіламетраў ад лініі фронту», — напісаў прэзідэнт Украіны.
«Таксама ў Пензенскім рэгіёне наша зброя дасягнула стратэгічнага аб'екта расійскага ваенна-прамысловага комплексу, які займаецца распрацоўкай і вытворчасцю камплектуючых для ракетнага ўзбраення, што акупанты выкарыстоўваюць для ўдараў па нашых гарадах і населеных пунктах. Адлегласць да мэты — каля 600 кіламетраў ад лініі фронту.
Штодня выконваецца наш план прымянення ўкраінскіх дальнабойных санкцый. Гэта цалкам справядлівы адказ на ўсё, што Расія робіць супраць нас.
Мір неабходны, і менавіта гэта павінна ўсвядоміць расійскае кіраўніцтва. Расія павінна спыніць сваю вайну. І ўсе магчымасці для гэтага ў расійскага кіраўніцтва ёсць.
Я дзякую кожнаму ўкраінскаму воіну, які забяспечвае нашу дакладнасць пры нанясенні дальнабойных удараў», — заявіў Зяленскі.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары