«Спадзяюся на сустрэчу з вамі ў будучыні», — гаворыцца ў віншаванні, дасланым Аляксандру Лукашэнку.
Фота: Win McNamee / Getty Images
Аляксандр Лукашэнка ў Дзень незалежнасці атрымаў віншаванні ад розных кіраўнікоў краін. Сярод іх і Дональд Трамп.
«Ад імя Злучаных Штатаў Амерыкі я віншую народ Беларусі са святкаваннем Дня рэспублікі 3 ліпеня. Гэты дзень прысвечаны вызваленню Мінска ад нацысцкай акупацыі і назаўжды застанецца напамінам пра барацьбу беларускага народа за свабоду. Вам і народу Беларусі я перадаю свае шчырыя пажаданні мірнага і квітнеючага года і спадзяюся на сустрэчу з вамі ў будучыні», — цытуе віншаванне Трампа БелТА.
Свае віншаванні даслалі таксама Уладзімір Пуцін, Сі Дзіньпін ды іншыя кіраўнікі дзяржаў.
Каментары
===
сустрэчу, як з Мадура?))
Дата абраная Трампам не 25 жніўня і нават не 27 ліпеня, не кажам ужо пра 25 сакавіка, а 3 ліпеня - чыста савецкі позірк на так званую незалежнасць Беларусі. Выпадковасць ? Не, наўмысная акцыя Трампа супраць заслугаў таго ж самаго Пазьняка і яго пакалення перад беларускай дзяржаўнасцю.
Але штосці пераконвае, што Пазьняк сціпла прамаўчыць пра гэтую акцыю сёлетняй амерыканскай адміністрацыі. Бо ягоная, Пазьняка, любоў да Трампа бязмежная і адназначная. І не Трамп, па Пазьняку, будзе ў гэтым пляўку ЗША на сапраўдныя даты незалежнасці Беларусі вінаваты, а "нехта з ягонага атачэння." Зянон непахісны ў сваіх поглядах на Трампа і верыць, што Трамп - "месія" сучаснага свету, а таму ўсё ён робіць правільна.
Быў Зянон, да здуўся прама на вачах ...