Культура99

Такога дзіцячага садка вы яшчэ не бачылі. Яго спраектаваў лаўрэат «архітэктурнага Нобеля»

На тэрыторыі Мюнхенскага тэхнічнага ўніверсітэта пабудавалі дзіцячы садок з незвычайнай планіроўкай. З-за невялікага ўчастка архітэктары размясцілі гульнявую пляцоўку не ў двары, а на трох паверхах будынка, а іх злучылі горкамі.

Візуалізацыя праекта дзіцячага садка Мюнхенскага тэхнічнага ўніверсітэта, падрыхтаваная студыяй Kéré Architecture. Фота: kerearchitecture.com

Дзіцячы садок Kinderoase («Дзіцячы аазіс»), разлічаны на 60 дзяцей супрацоўнікаў і студэнтаў Мюнхенскага тэхнічнага ўніверсітэта, павінен дапамагчы бацькам лягчэй спалучаць працу або вучобу з доглядам дзяцей.

Праект распрацавала берлінская студыя Kéré Architecture пад кіраўніцтвам архітэктара Дыебеда Франсіса Керэ. Ураджэнец Буркіна-Фасо, які ўжо шмат гадоў жыве і працуе ў Германіі, у 2022 годзе стаў лаўрэатам Прэміі Прыцкера — самай прэстыжнай узнагароды ў архітэктуры.

Пакой для ціхага адпачынку. Візуалізацыя: Kéré Architecture

Будынак узвялі на месцы былой паркоўкі каля ўніверсітэцкай кавярні. Невялікі ўчастак прымусіў архітэктараў адмовіцца ад звыклай планіроўкі дзіцячага садка і развіваць праект не ўшыркі, а ў вышыню.

Схема трохузроўневай вертыкальнай гульнявой прасторы ў дзіцячым садку. Візуалізацыя: Kéré Architecture

У выніку з'явіўся пяціпавярховы будынак плошчай каля 1540 квадратных метраў, галоўнай адметнасцю якога стала трохузроўневая гульнявая пляцоўка са з'ездамі паміж паверхамі. Паводле аўтараў праекта, яны імкнуліся паглядзець на будынак вачыма дзяцей. Гульнявыя зоны і горкі павінны заахвочваць даследаваць прастору, рухацца і прыдумляць уласныя сцэнарыі гульняў.

Фота: archdaily.com

Асноўным будаўнічым матэрыялам стала дрэва. Гэта дазваляе зменшыць вугляродны след будынка. Бетон выкарысталі толькі для падмурка і эвакуацыйнай лесвіцы, а фасад аздобілі дрэвам і ламелямі з кортэнаўскай сталі.

Фота: archdaily.com

Яшчэ адной праблемай стала размяшчэнне побач з ажыўленай вуліцай. Гульнявую пляцоўку і дапаможныя памяшканні вынеслі на бок дарогі — яны служаць своеасаблівым акустычным бар'ерам. А пакоі для заняткаў і адпачынку, дзе важная цішыня, размясцілі з процілеглага боку.

Візуалізацыя: Kéré Architecture

На першым паверсе знаходзяцца прыёмная і адміністрацыйныя памяшканні. Дзіцячыя групы размеркаваныя па паверхах у залежнасці ад узросту. Акрамя пакояў для заняткаў, у будынку ёсць агульныя прасторы для гульняў, спартыўная зала і сталовая. У інтэр'ерах пераважаюць натуральнае дрэва і яркія каляровыя элементы.

Фота: kerearchitecture.com

На даху ўладкавалі часткова крытую тэрасу з гульнявой зонай, адкуль адкрываецца панарамны від на горад. Падчас распрацоўкі праекта архітэктары таксама прапанавалі злучыць тэрасу з дахам суседняй ўніверсітэцкай кавярні пры дапамозе горкі, каб стварыць супольную прастору, дзе змогуць сустракацца дзеці, студэнты і супрацоўнікі ўніверсітэта.

Як адзначаецца на сайце архітэктурнай студыі Kéré Architecture, пры распрацоўцы праекта асаблівую ўвагу надалі энергаэфектыўнасці, камфортнай тэмпературы ў памяшканнях, пажарнай бяспецы і абароне ад шуму. Архітэктары імкнуліся стварыць прастору, якая спрыяе дзіцячай творчасці і адначасова забяспечвае камфорт дзякуючы экалагічнаму падыходу да будаўніцтва.

Але галоўнае наватарства — садок упісаны ў працоўныя будынкі ўніверсітэта. Цяпер бацькам не трэба асобна далёка ехаць, каб аддаць дзіця. Прыехаў — дзіця пакінуў — пайшоў рабіць. На абед пайшоў і паеў разам з малым. Пасля ён застаўся паспаць, а ты вяртаешся да работы.

Каментары9

  • Антось
    16.07.2026
    Усё мастацтва там невылечна хворае
  • .
    16.07.2026
    Жвір ,

    да, надо было в стиле агро-ренессанса закатить и забор поставить

    немцам у беларусов учиться и учиться еще
  • Ірт
    16.07.2026
    Не ведаю неяк здаецца будзе не вельмі зручна сачыць за дзецьмі калі яны будуць з паверха на паверх катацца.... І яны зрабілі гэтыя пляцоўкі буферам з вуліцай, а як да забруджванне паветра ад дарогі...
    А вось тое як бацькам зручна што садок побач з працай, гэта крута

Цяпер чытаюць

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць