Свет22

«Расія 1» назвала «справай гонару» забойства рэпера Kyivstoner

Ваенны карэспандэнт Сяргей Зенін у эфіры тэлеканала «Расія 1» фактычна прадказаў забойства рэпера Kyivstoner (сапраўднае імя — Альберт Васільеў), якога ФСБ абвінавачвае ў датычнасці да арганізацыі атакі беспілотнікаў у Падмаскоўі.

Kyivstoner

Журналіст назваў «знішчэнне» музыканта «справай гонару» для расійскай разведкі і заявіў, што яго можа чакаць лёс расійскага лётчыка Максіма Кузьмінава, застрэленага ў Іспаніі пасля пералёту на ваенным верталёце ва Украіну, піша «Агенцтва».

У сюжэце праграмы «Весті» пра спецаперацыю ФСБ па прадухіленні атакі дронаў на Падмаскоўе, які паказалі ў аўторак, рэпарцёр назваў рэпера «свіннёй у чалавечым абліччы».

— «Наркадылер з пашпартам Украіны і ЗША. А цяпер яшчэ і тэрарыст, знішчэнне якога для нашай разведкі будзе справай гонару», — сказаў Зенін.

Паводле яго слоў, рэпер жыве «недзе ў Славакіі» і мае «логава ў Іспаніі».

«Знойдуць. Не ўпершыню. Памятаеце, чым скончыў сваё існаванне здраднік-лётчык, які забіў экіпаж і ўгнаў ва Украіну баявы верталёт. У адной з іспанскіх правінцый цела, прабітае кулямі, пераехаў аўтамабіль. Тады гэта было выпадковым збегам абставін. Чаму б выпадкова падобнае не магло паўтарыцца», — заявіў Зенін.

Kyivstoner — украінскі рэпер, відэаблогер і акцёр, які атрымаў вядомасць як удзельнік гурта «Грыбы» і доўгі час працаваў у Расіі. Незадоўга да расійскага ўварвання ён вярнуўся ва Украіну, а пасля пачатку вайны асудзіў дзеянні Расіі.

У аўторак раніцай ФСБ заявіла аб прадухіленні атакі на ваенныя аб'екты ў Маскоўскай вобласці з выкарыстаннем 35 беспілотнікаў. Да датычнасці да атакі спецслужба абвінавачвае былога байца ПВК «Вагнер», двух грамадзян Малдовы і Kyivstoner.

Сам рэпер у адказ на абвінавачанні ФСБ апублікаваў stories, у якім сказаў: «Што, нах…?». Пасля ён выклаў яшчэ адно відэа, дзе адзначыў, што не ведае, «чым заслужыў такую ўвагу»:

— Я адпачываю, братан, гуляю ў Dota. Якая, да халеры, арганізацыя чаго-небудзь?

Максім Кузьмінаў, з якім ваенкар «Вестей» параўнаў Kyivstoner, у жніўні 2023 года перагнаў ва Украіну расійскі верталёт Мі-8, за што атрымаў 500 тысяч даляраў. Падчас пералёту двое членаў экіпажа верталёта былі забітыя.

Пазней на «Расіі 1» выйшаў сюжэт, у якім сцвярджалася, што расійскія спецслужбы ўжо атрымалі загад аб «ліквідацыі» Кузьмінава.

У лютым 2024 года ён быў забіты ў Іспаніі, куды пераехаў жыць з Украіны пад іншым прозвішчам. Газета The Wall Street Journal пісала, што выканаўцы атрымалі наяўныя грошы ад расійскіх чыноўнікаў, якія працавалі ў Вене.

Каментары2

  • Логика
    16.07.2026
    Когда хотят убить то не заявляют об этом.
  • kjubrf
    16.07.2026
    Логика, у орков все может быть - с ними ваша логика не работает.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць