Азаронак пра закрыццё беларускіх крам: Прыбралі таму, што вы гэта любілі. Мне не лянота сядзець і глядзець, дзе што прадаюць
«Паганай мятлой вымецем усю гэтую нацыяналістычную заразу!» — пагражае дэпутат Гігін.
Прапагандыст Рыгор Азаронак у сваім стрыме з дэпутатам Вадзімам Гігіным абмяркоўваў закрыццё шэрагу мінскіх крам, дзе прадавалі рэчы з беларускай сімволікай, і адмену фестывалю «Наш Грунвальд».
«Яны крычаць пра тое, што ўсё «галеча, заняпад, усё адмянілі, усё прыбралі, не будзе нічога, што мы так любілі». Дык таму, што вы гэта любілі! Таму што я ведаю чаму. Таму што гэтыя ўсе арганізацыі — хто шмоткі прадаваў, хто яшчэ штосьці — гэта вашы мімікрыруючыя з фігай у кішэні «ждуны». Якія яшчэ намёкі, такія вось падміргванні сваім робяць: «Мы тут, мы побач, вось вазьмі маечку, вось яна як бы і нічога не значыць…».
А вы думаеце, што мы дэбілы? Вы думаеце, што мы тупыя тут і нічога не разумеем?» — абрынуўся Азаронак.
«Паганай мятлой вымецем усю гэтую нацыяналістычную заразу!» — пагражае Гігін.
«Вось гэтыя спробы сказаць: «Ну калі ж ужо ўлады супакояцца? Вось у іх траўма 2020 года». Ці будзе адліга? Будзе вам па галаве адліга гэта. Будзем выкараняць да канца. І тое, што вы там верашчыце, тое, што вы там панікуеце, тое, што ў вас крывыя твары — для нас гэта кажа, што мы ўсё робім правільна. І больш за тое, ні «Рагнай», ні гэтым «Грунвальдам» нічога не скончыцца. (…) І паверце, як «Кнігаўку» калісьці спапялілі проста, так і далей так будзе», — дадаў Гігін.
Азаронак адзначыў, што сам маніторыць падобныя крамы і мерапрыемствы.
«Мне не лянота сядзець і глядзець, дзе што прадаюць, дзе што якія паэткі збіраюцца выступаць», — сказаў ён.
«Вось нядаўна з'явілася гэтая цацка з Геніюш. Вось мы яе ўбачылі і зрабілі ўсё, каб гэтую цацку знялі і панеслі адказнасць тыя, хто гэтую цацку павесіў, — падзяліўся Гігін. — Усе вашы разлікі на тое, што вы тут пагаворыце, прасунецеся, якарок кінеце, недзе зачэпіцеся, зубкамі ўчэпіцеся — зубы выб'ем вам!»
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары