Дым ад знішчанага складу Wildberries пад Масквой расцягнуўся на 250 кіламетраў
Паводле спадарожнікавых даных NASA, дым ад пажараў у Падмаскоўі пасля атакі беспілотнікаў на лагістычны цэнтр Wildberries пад горадам Электрасталь расцягнуўся прыкладна на 250 кіламетраў і наблізіўся да мяжы Арлоўскай вобласці, піша The Moscow Times.
Дымавое воблака плошчай каля 18 тысяч квадратных кіламетраў ахапіла значную частку Калужскай вобласці, уключаючы Калугу, а таксама асобныя раёны Тульскай вобласці. Яго паўднёвая частка знаходзілася прыкладна за 15 кіламетраў ад Арлоўскай вобласці.
Акрамя лагістычнага цэнтра Wildberries у Электрасталі, пад ударам апынулася і нафтабаза ў падмаскоўным Нагінску. На яе тэрыторыі размешчаныя рэзервуары для захоўвання бензіну, дызельнага паліва і авіяцыйнай газы агульным аб'ёмам каля 11,5 тысячы кубаметраў.
Мэр Масквы Сяргей Сабянін паведаміў, што ў ранішняй атацы на Маскоўскі рэгіён удзельнічалі больш за 370 беспілотнікаў. Паводле яго слоў, з пачатку тыдня на сталічны рэгіён было накіравана каля 1,9 тысячы дронаў.
Губернатар Маскоўскай вобласці Андрэй Вараб'ёў паведаміў, што ў выніку суботняй атакі пацярпеў 61 чалавек, з якіх 40 знаходзяцца ў бальніцах. Сярод траўмаў — аскепкавыя і выбуховыя пашкоджанні, чэрапна-мазгавыя траўмы, пераломы, апёкі і атручванне прадуктамі гарэння. У Тамбоўскай вобласці, дзе таксама быў атакаваны склад Wildberries, паведамлялася пра семярых загінулых і 37 параненых.
Нягледзячы на вялікае дымавое воблака, улады Маскоўскай вобласці заявілі, што стацыянарныя пасты маніторынгу не зафіксавалі перавышэнняў дапушчальных канцэнтрацый шкодных рэчываў у паветры. Аднак жыхарам усё ж параілі трымаць вокны зачыненымі і па магчымасці абмежаваць фізічныя нагрузкі.
Пасля атакі па двух складах Wildberries маглі пацярпець да 15% складскіх плошчаў кампаніі
Зяленскі пракаментаваў сённяшнія ўдары па складах Wildberries
Украіна ўпершыню адказала на расійскія атакі на склады «Новай пошты» сіметрычнымі ўдарамі па хабах «Вайлдберыз». Падмаскоўны згарэў дашчэнту
Украінскія дроны ўдарылі і па складзе Wildberries у Падмаскоўі
Сямёра супрацоўнікаў склада Wildberries у Тамбоўскай вобласці загінулі ў выніку атакі ўкраінскіх дронаў
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары