Англія вяла пасля першага тайма 4:0, але Францыя не здалася.
Англія без Кейна і Белінгема ў старце забіла чатыры галы ў першым тайме. Дубль у Сака, таксама вызначыліся Райс і Конса.
Здавалася, усё, Францыя размазаная — 0:4, але французы выйшлі моцна сканцэнтраванымі і змаглі за 20 хвілін адквітаць тры мячы. Двойчы вызначыўся Мбапэ, гол у Баркаля.
А потым у канцы другога тайма Сака з пенальці аформіў хет-трык.
Канец? Не! Францыя забіла адзін мяч (Дэмбеле) — 5:4.
Усё? Не! На апошняй хвіліне Белінгем, што выйшаў на замену, ставіць кропку 6:4.
Англія заняла трэцяе месца.
А Мбапэ, зрабіўшы дубль, стаў найлепшым бамбардзірам гэтага чэмпіянату свету: у яго 10 галоў, а таксама найлепшым у гісторыі чэмпіянатаў свету, усяго ў яго 22 галы.
Ён абагнаў Ліянеля Месі, у яго восем мячоў на гэтым мундыялі і 21 з улікам усіх чэмпіянатаў.
Але Месі згуляе ў нядзелю ў фінале супраць Іспаніі
Такім чынам: нядзеля, фінал Іспанія — Аргенціна (22:00)
Цяпер чытаюць
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам18
Каментары