Беларускі адвакат Аляксандр Данілевіч, асуджаны раней да шасці гадоў пазбаўлення волі па справе, звязанай з яго прафесійнай дзейнасцю, выйшаў на свабоду. Пра сваё вызваленне ён паведаміў, апублікаваўшы фотаздымак на ўласнай старонцы ў фэйсбуку.
Аляксандра Данілевіча затрымалі 20 траўня 2022 года супрацоўнікі КДБ на працоўным месцы. Спачатку яго ўтрымлівалі ў СІЗА КДБ, пасля перавялі ў СІЗА №1 у Мінску. Яго абвінавацілі паводле артыкулаў аб закліках да дзеянняў, якія, паводле следства, нібыта шкодзілі нацыянальнай бяспецы Беларусі, а таксама ў садзейнічанні экстрэмісцкай дзейнасці.
Следства сцвярджала, што са жніўня 2020 года да мая 2022 года Данілевіч аказваў юрыдычную дапамогу прадстаўнікам Беларускага фонду спартыўнай салідарнасці, рыхтаваў і рэдагаваў звароты да замежных кампаній, а таксама даваў інтэрв'ю незалежнаму спартыўнаму выданню. Сам адвакат віны не прызнаў і настойваў, што дзейнічаў выключна ў межах сваёй прафесійнай дзейнасці.
Судовы працэс пачаўся ў Мінскім гарадскім судзе ў сакавіку 2023 года. Пракурор прасіў прызначыць адвакату дзесяць гадоў пазбаўлення волі, аднак 10 красавіка суд прызначыў Данілевічу пакаранне ў выглядзе шасці гадоў калоніі ўзмоцненага рэжыму. Апеляцыйны суд пакінуў прысуд без зменаў.
Да затрымання Аляксандр Данілевіч быў вядомым спецыялістам у галіне міжнароднага і спартыўнага права. Ён валодае некалькімі замежнымі мовамі, выкладаў на факультэце міжнародных адносін БДУ больш за дваццаць гадоў, узначальваў Беларускую федэрацыю рэгбі, уваходзіў у міжнародныя органы ў сферы антыдопінгавага права і праходзіў стажыроўкі ў Італіі, Швейцарыі і Нідэрландах.
Незадоўга да затрымання Данілевіч падпісаў антываенны зварот беларускіх юрыстаў супраць вайны ва Украіне. Пасля гэтага ў дачыненні да яго распачалі дысцыплінарную вытворчасць у адвакатуры, а таксама звольнілі з Беларускага дзяржаўнага ўніверсітэта.
Пакаранне ён адбываў у калоніі №17 у Шклове, а выйшаў на волю раней за вызначаны прысудам тэрмін. Пакуль невядома, стала гэта вынікам памілавання або якога іншага юрыдычнага рашэння.
Журналіст Ігар Ільяш сустракае за кратамі другі дзень народзінаў. У яго моцна пагоршылася здароўе
Выйшаў на волю палітвязень Аляксей Санчук, які барабаніў на пратэстах. Ён цалкам адбыў шасцігадовы тэрмін
«Вельмі шмат таго, што я рабіла тады, сёння ўжо не паўтарыла б». Кацярына Андрэева расказала, як пераасэнсавала сваё жыццё
Журналіста Алеся Любенчука паўторна асудзілі, абвясцілі «тэрарыстам» — але вызвалілі
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары
Годны чалавек, афігенны выкладчык, Юрыст з вялікай літары Ю - не тое, што гэты пыл у пагонах на калегіі Генпракуратуры, якія на словы "інагда не да законаў" адрэагавалі ўзмацненнем рэпрэсій, а не арыштам гаранта парушэння усіх магчымых норм права.