Грамадства33

Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі

У антыгерояў многіх карупцыйных расследаванняў — зорнага бамбардзіра Сяргея Шыткоўскага і забудоўшчыка Глеба Вайноўскага — у выніку не атрымалася таго, у чым іх падазравалі. Замест таго, каб паспяхова зарабіць на карупцыйна атрыманай зямлі, яны нічога не здолелі пабудаваць і яшчэ нават засталіся вінныя.

Сяргей Шыткоўскі злева. Калаж tribuna.com

Як стала вядома «Нашай Ніве», у сярэдзіне ліпеня амаль адначасова — з розніцай у два дні — падаліся на банкруцтва дзве вядомыя ў вузкіх колах кампаніі: ААТ «Інтэхнабуд інвест» і ААТ «ЗаслаўльБудІнвест». 

У першай кампаніі непагашаны перад крэдыторамі доўг — 74 тысячы, у другой — 503 тысячы рублёў. 

Цэнтральныя фігуры гэтых узаемазвязаных кампаній — прадпрымальнік Глеб Вайноўскі і ў мінулым прафесійны хакеіст і, да нядаўняга часу, гулец каманды Лукашэнкі Сяргей Шыткоўскі. 

У перыяды эканамічных уздымаў для таго, каб атрымаць зямлю пад забудову ў сталіцы, самай прастой дарогай было падпісаць рашэнне ў Лукашэнкі з дапамогай гэтак званага «хода» — блізкага да яго спартсмена, лепш за ўсё хакеіста. Такім чынам хакеісты станавіліся трошкі яшчэ і забудоўшчыкамі, а пасрэдныя бізнэсмены — буйнымі сталічнымі дэвелаперамі. У прынцыпе, саюз Шыткоўскага і Вайноўскага цалкам адпавядае такой катэгарызацыі.

Для праварочвання схемы не патрабаваўся нават вялікі стартавы капітал: па сутнасці, будаўніцтва фінансавалі дольшчыкі, якія неслі свае ці банкаўскія грошы яшчэ на этапе катлавана. 

Такіх пар на рынку склалася нямала. Вось і Вайноўскі з Шыткоўскім у 2018 годзе угаварылі Лукашэнку выдаць ім некалькі ўчасткаў пад забудову ў сталіцы, а ў якасці платы за шчодрасць павінны былі пабудаваць Лыжны манеж за будынкам Вярхоўнага суда на вуліцы Арлоўскай.

Меркавалася, што плошча аб'екта складзе 23 тысячы квадратных метраў. Унутры будзе круглы год падтрымлівацца мінусавая тэмпература, каб забяспечыць работу лыжнай трасы на некалькіх узроўнях, спускі для снаўбордаў, коўзанкі і гэтак далей. 

Рэндар неіснуючага будынка Лыжнага манежа. Фота: Realt.by

Як можна меркаваць, дазвол на пачатак будаўніцтва жыллёвых комплексаў па сталічнай вуліцы Чыгуначнай быў наўпрост звязаны з пачаткам будаўніцтва манежа, але гэтага не здарылася: пляцоўку за Вярхоўным судом толькі абнеслі плотам, падагналі пару экскаватараў і для выгляду вырылі троху ям. Але не больш за тое.

Фінансаваць будаўніцтва комплексу бізнесмены збіраліся, відавочна, у большай ступені з грошай дольшчыкаў — пры цане на квадратны метр у Мінску ад $900 (на этапе катлавана) у 2019-м, тых 115 тысяч квадратных метраў, якія задумалі пабудаваць Шыткоўскі з Вайноўскім, хапіла б на некалькі лыжных манежаў. Але па відавочных сацыяльна-палітычных прычынах на момант, калі была гатовая дакументацыя, правярнуць схему так, як яна працавала да 2020‑га, не атрымалася.

Узнікла патавая сітуацыя, якая развязалася так: у 2024-м участак за Вярхоўным судом забралі ўлады. Участак пад забудову па Чыгуначнай, на месцы знесенага заводу «Сантэхдэталь», як можна меркаваць, таксама адабраны — замест анансаванага ЖК «Белыя Сады» там з'явіцца іншы, «Казахстанскі квартал», які будуе іншы забудоўшчык, а кватэры прапануюць чым, хто ў чарзе. 

Таксама Сяргей Шыткоўскі знік з ростара зборнай Лукашэнкі па хакеі. 

Каментары3

  • Глеб
    26.07.2026
    Shit и есть shit.
  • убор (бар)шчы ца крые матам.. спартовым (не звяртайце ўвагі)
    26.07.2026
    які яшчэ крыты ліжны манэжЪ¿ сваімі лядовымі дВОРцамі ці не задзяўблі ўжо?

    хоць адзін крыты гарналыжны курорт пабудавалі б....
    хоць маленечкі..
    р۞дина-Skye
    ўжо б сказ(а)ла вам п
    паси б очки (кстати, а где бабушкины, а то бишь моой и очки? а. вот. так вот)
    і не адзін раз ۞۞

    ці ў Зя%андзію па-ранейшаму па яго ля таць? ...ць

    гл. https://snowplanet.co.nz/
  • нявеста азаронка
    26.07.2026
    якія яшчэ бамбардзіры могуць быць у фашым какеі, мужыкі?

    жаніх мой не любіць спорт (гэта ж ачэвідна), но
    глядзець прыходзіцца яму па доўгу службы..

    дык вось

    неяк быў казаў

    заўважыў быў неяк.. як толькі шайба аказваецца ля цела
    дык бравыя какеісты адразу раз'язжаюцца ў розныя бакі

    ад

    цела

Цяпер чытаюць

Від на Каложскую царкву безнадзейна сапсаваны33

Від на Каложскую царкву безнадзейна сапсаваны

Усе навіны →
Усе навіны

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой58

больш чытаных навін
больш лайканых навін

Від на Каложскую царкву безнадзейна сапсаваны33

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць