Дзве галоўныя веламагістралі Мінска звяжуць праз «Паўночны Бераг»
Мінск плануе перасесці на ровары: да 2030 года ў горадзе мусіць з'явіцца каля 380 кіламетраў веладарожак. Маштабнае абнаўленне роварнай інфраструктуры закране і новыя раёны. Напрыклад, у комплексе «Паўночны Бераг», які будуецца, зручныя веламаршруты будуць інтэграваныя проста ў жылую забудову. За кошт стварэння камфортнай роварнай інфраструктуры доля паездак на роварах можа павялічыцца да 8−10%, піша Realt.by.
Новая сетка веламаршрутаў паўночнай часткі сталіцы звяжа дзве найбуйнейшыя роварныя магістралі горада: галоўную мінскую веладарожку (ад Чыжоўскага вадасховішча да Мінскага мора плюс маршруты вакол Цнянскага вадасховішча) і перспектыўную магістральную веладарожку ўздоўж Слепянскай воднай сістэмы.
Тэрыторыя «Паўночнага Берага» валодае ўнікальным становішчам паміж дзвюма найбуйнейшымі водна-зялёнымі сістэмамі Мінска (Дразды і Цнянка) і стане цэнтральным злучальным элементам адзінага прыродна-рэкрэацыйнага каркаса горада.
У выніку будзе сфармаваны ўнікальны для Мінска бесперапынны роварны маршрут, які злучае наступныя аб'екты: Мінскае мора — Дразды — «Паўночны Бераг» — парк Дружбы народаў — Нацыянальная бібліятэка — Сляпянская водная сістэма — Чыжоўскае вадасховішча.
Праектаваная велаінфраструктура «Паўночнага Берага» прадугледжвае стварэнне паўнавартаснай гарадской роварнай сеткі, якая ўключае: роварныя маршруты ў наяўнай і праектаванай частках Лэйксайд Парка, выдзеленыя веладарожкі ўздоўж гарадскіх вуліц, унутрыквартальныя роварныя бульвары, велапаркоўкі і велабоксы.
Пасля завяршэння будаўніцтва велаінфраструктуры ў комплексе «Паўночны Бераг» будзе створана адна з найбольш развітых роварных інфраструктур у краіне: каля 20 тысяч веламесцаў у сучасных велабоксах і больш за 24 км унутрыквартальных роварных маршрутаў.
Праект будзе рэалізаваны ў два этапы. На першым этапе да 2030 года будзе пабудавана 6 тысяч веламесцаў, 8 кіламетраў унутрыквартальных веладарожак, 3 кіламетраў веламаршрутаў у Лэйксайд Парку і 15 км роварных дарожак уздоўж вулічнай сеткі. Другая частка велаінфраструктуры будзе скончана да 2040 года.
Аб'яднанне роварных экасістэм сталіцы і інтэграцыя ў іх «Паўночнага Берага» сфармуе адзіны магістральны роварны каркас Мінска і створыць умовы для выкарыстання ровара як паўнавартаснага гарадскога транспарту.
«Паўночны Бераг» — сучасны жылы раён каля Цнянскага вадасховішча, дзе спалучаюцца прырода, гарадская інфраструктура і камфортнае асяроддзе для жыцця. Праект рэалізуе ТАА «Рыверсайд Дэвелапмент Лімітэд». Сёння тут актыўна будуюцца жылыя дамы і сацыяльная інфраструктура: ужо перададзены ключы ад 17 дамоў, яшчэ 40 аб'ектаў знаходзяцца ў стадыі будаўніцтва.
Стала вядома, у што ператворыцца закінутая грамадская прыбіральня на беразе Свіслачы ў цэнтры Мінска
У Мінску адкрылі першы дыяганальны пешаходны пераход
Ад Прыпяці да Каўказа. Як сям’я з-пад Мінска падарожнічае на кэмперы
«Была ў Егіпце 12 разоў, там не лепш». Беларусы расказалі, як адпачываюць у айчынных санаторыях
Каментары