Грамадства

Ва Украіне на запыт ЗША арыштавалі грамадзяніна Беларусі, якога падазраюць у кіберзлачынствах

Як стала вядома «Радыё Свабода» з інфармаваных крыніц, грамадзяніна Беларусі затрымалі 7 ліпеня ў вёсцы Вішанькі Барыспальскага раёна Кіеўскай вобласці, дзе ён жыў. Беларус будзе знаходзіцца пад экстрадыцыйным арыштам ва Украіне як мінімум да 9 верасня. Да фактычнай выдачы ўладам ЗША яго будуць утрымліваць у Кіеўскім следчым ізалятары.

Здымак ілюстрацыйны. Фота: magnific.com

Беларуса затрымлівала група супрацоўнікаў Службы бяспекі Украіны на падставе запыту ЗША аб ягоным арышце як асобы, якую хочуць прыцягнуць да крымінальнай адказнасці за злачынствы, звязаныя з удзелам у распаўсюдзе шкодных рэкламных абвестак, што выкарыстоўвалі для кіберзлачыннай дзейнасці. Ордар на ягоны арышт 10 чэрвеня 2025 года выдаў адзін з акруговых судоў у ЗША.

У Амерыцы грамадзяніну Беларусі выставілі падазрэнні паводле артыкулаў 371, 1343, 1349 і 3559 (g) (папярэдняя змова ў мэтах учынення махінацыі з выкарыстаннем электронных сродкаў сувязі і камп’ютарных прылад, а таксама ўласна самі махінацыі). У ЗША грамадзяніну Беларусі можа пагражаць ад 5 да 20 гадоў зняволення. Яму інкрымінуюць правапарушэнні, якія ён учыняў з кастрычніка 2013 года да красавіка 2023 года.

Прозвішча затрыманага грамадзяніна Беларусі не называюць.

У розны час у Амерыцы паводле аналагічных абвінавачанняў асудзілі, затрымалі і вышукваюць некалькі грамадзян Беларусі:

  • Максім Сільнікаў (Сільчанка) знаходзіцца пад арыштам у турме штата Нью-Джэрсі ў чаканні завяршэння судовага працэсу;
  • Павел Дзмітрэнка адбывае пакаранне ў федэральнай турме ў штаце Тэхас — яму прысудзілі 51 месяц зняволення. Пасля гэтага яго дэпартуюць у Беларусь;
  • Аляксандр Кліменка затрыманы ў Латвіі і экстрадаваны ў ЗША ў пачатку 2024 года;
  • Уладзімір Кадарыя (вядомы таксама пад імёнамі Андрэй Кавалёў, «Сталін», baxus) знаходзіцца ў следчым ізалятары ў Беларусі. Яго затрымалі ў Кыргызстане і ў сакавіку 2023 года экстрадавалі ў Беларусь;
  • Сяргей Дзенісенка абвешчаны ў міжнародны вышук, паводле некаторай інфармацыі, ён можа знаходзіцца на тэрыторыі Расіі;
  • Ігар Турашаў таксама знаходзіцца на свабодзе, імаверна, у Расіі. Супраць яго ўвялі санкцыі і абвясцілі ўзнагароду ў памеры 5 мільёнаў даляраў за дапамогу ў ягоным затрыманні.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць