У Мінску паспяхова прааперавалі дзяўчынку з унікальным для Беларусі дыягназам
У Мінску дактары паспяхова прааперавалі дзяўчынку з надзвычай рэдкай для Беларусі паталогіяй — хілурыяй непаразітарнага паходжання. Юная пацыентка паступіла ў 2‑ю гарадскую дзіцячую клінічную бальніцу з дыягназам, з якім спецыялісты раней сутыкаліся пераважна ў медыцынскай літаратуры, піша агенцтва «Мінск-Навіны».
Хілурыя ўзнікае, калі паміж лімфатычнымі сасудамі кішэчніка і ныркамі фармуецца паталагічная сувязь. У выніку лімфа трапляе ў мачу. Захворванне можа прыводзіць да страты тлушчаў, парушэння біяхімічных паказчыкаў і пагаршэння агульнага стану арганізма.
Прыкладна ў 95% выпадкаў хілурыя з'яўляецца ўскладненнем паразітарнай інфекцыі. Непаразітарныя формы сустракаюцца значна радзей — на іх прыпадае каля 5% выпадкаў. Дакладная частата гэтага захворвання невядомая, а ў медыцынскай літаратуры апісаныя толькі асобныя выпадкі.
Спачатку дактары паспрабавалі правесці кансерватыўнае лячэнне, аднак яно не дало неабходнага выніку. Таму было прынята рашэнне правесці аперацыю.
Ужо на наступны дзень пасля хірургічнага ўмяшання аналізы дзяўчынкі прыйшлі ў норму. Паспяховае лячэнне дазволіла стабілізаваць яе стан.
У абласной бальніцы ўпершыню пачалі рабіць перасадку валасоў. Колькі каштуе?
У мінскай бальніцы аперыруюць пацыентаў па-новаму
Жыхары Нароўлі б’юць трывогу, што ў мясцовай бальніцы закрылі дзіцячае аддзяленне
Каб выправіць прыкус, беларуска рашылася на распілоўванне сківіцы — і не пашкадавала. Але вынесці такую аперацыю зможа не кожны
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары