Завод размешчаны ў Атыраўскай вобласці, якая мяжуе з Астраханскай вобласцю Расіі.
У Казахстане адбыўся пажар на Атыраўскім нафтаперапрацоўчым заводзе — адным з трох найбуйнейшых НПЗ краіны магутнасцю 5,5 млн тон нафты на год, піша Moscow Times.
У прэс-службе прадпрыемства паведамілі, што загарэўся нафтапластык унутры адстойніка механічных ачышчальных збудаванняў закрытага тыпу. На той момант работы там не вяліся. Ніхто не пацярпеў. Завод працягвае працаваць у штатным рэжыме. У інтэрнэце з'явіліся кадры з месца здарэння. Пазней у МНС Казахстана паведамілі, што пажар на НПЗ ліквідаваны. Яго тушылі 65 чалавек і 19 адзінак тэхнікі.
Завод размешчаны ў Атыраўскай вобласці, якая мяжуе з Астраханскай вобласцю Расіі. Яго ўвялі ў эксплуатацыю ў 1945 годзе, уладальнікам з'яўляецца нацыянальная нафтагазавая кампанія «КазМунайГаз».
НПЗ загарэўся пасля паведамленняў пра тое, што Казахстан пагадзіўся перапрацоўваць расійскую нафту і вяртаць Маскве 70% вырабленага бензіну і дызельнага паліва.
Міністр энергетыкі рэспублікі Ерлан Акенжэнаў удакладніў, што для рэалізацыі гэтай дамоўленасці будзе задзейнічаны завод «Кандэнсат» магутнасцю 850 тысяч тон на год.
Казахстан таксама пачаў пастаўляць у Расію, дзе набірае абароты другая хваля паліўнага крызісу, невялікія партыі бензіну АІ-92.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў44
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары
стали покуривать где
попало? :D