Паводле апытання сэрвісу rabota.by, 56% беларусаў лічаць, што сапраўды адпачываюць падчас адпачынку. Аднак 43% рэспандэнтаў прызналіся, што нават у гэты перыяд ім даводзіцца займацца працоўнымі пытаннямі, піша Myfin.by.
Узяць адпачынак у любы зручны час па ўзгадненні з кіраўніком могуць 42% апытаных. Яшчэ 37% арыентуюцца на загадзя зацверджаны графік. Для 16% супрацоўнікаў нават некалькі вольных дзён арганізаваць даволі складана.
Адпачынак лепш дапамагае аднаўляцца маладым людзям. Сярод рэспандэнтаў ва ўзросце 14—25 гадоў 70% адзначылі, што вяртаюцца з адпачынку адпачыўшы. У групе 26—45 гадоў такіх 49%, а сярод людзей ва ўзросце ад 46 гадоў — толькі 41%.
Пры гэтым не ўсе могуць адразу пераключыцца з працы на адпачынак. 52% апытаных адчуваюць сябе свабоднымі ад працоўных спраў ужо пасля заканчэння апошняга працоўнага дня. Яшчэ 27% патрабуецца дзень-два, а 18% — ад трох да чатырох дзён.
43% рэспандэнтаў паведамілі, што ім даводзілася выконваць працоўныя задачы падчас адпачынку. Найчасцей гэта звязана са спецыфікай працы — так адказалі 33% тых, хто працаваў падчас адпачынку. Яшчэ 21% дапамагалі калегам, а 18% заявілі, што працаваць іх прымушала кіраўніцтва.
Для 8% выкананне некалькіх задач падчас адпачынку не з'яўляецца праблемай — ім падабаецца рабіць гэта ў больш спакойным тэмпе. 6% прызналіся, што ім сумна ў адпачынку, а 5% не паспелі завяршыць усе справы перад яго пачаткам.
Пасля вяртання на працу 48% апытаных адчуваюць цяжкасці з адаптацыяй, а 52% пераходзяць да працоўнага рытму без асаблівых праблем.
Сярод асноўных прычын складанай адаптацыі — неабходнасць зноў рана ўставаць, якую назвалі 52% рэспандэнтаў. 43% адзначылі цяжкасці з хуткім уключэннем у тэрміновыя справы, а 39% — вялікую колькасць назапашаных лістоў, званкоў і іншых задач.
Апытанне правялі ў пачатку жніўня 2026 года. У ім узялі ўдзел 692 чалавекі ва ўзросце ад 14 гадоў.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары