У Кітаі вычысцілі вярхоўнага генерала. Гэтаму папярэднічала вялікая перастрэлка
28 жніўня ў Кітаі з пасад у Цэнтральнай вайсковай камісіі вызвалілі генералаў Чжан Юся і Лю Чжэньлі. Чжан Юся быў намеснікам старшыні камісіі і лічыўся другой па ўплывовасці асобай у вайсковым кіраўніцтве краіны пасля Сі Цзіньпіна. Ён таксама лічыўся адным з яго найбліжэйшых саюзнікаў, піша Reuters.
Расследаванне ў дачыненні да абодвух генералаў пачалося яшчэ ў студзені. Іх падазраюць у сур'ёзных парушэннях дысцыпліны і закона. Адстаўка адбылася на фоне шырокай антыкарупцыйнай кампаніі ў кітайскай арміі, якую Сі Цзіньпін вядзе апошнія некалькі гадоў. Раней пад расследаванне трапілі, у прыватнасці, былыя міністры абароны Вэй Фэнхэ і Лі Шанфу.
Кадравыя змены таксама супалі з чуткамі пра магчымую спробу вайсковага перавароту ў Кітаі. Паводле адной з версій, 18 студзеня Чжан Юся нібыта накіраваў вайскоўцаў да гатэля ў заходняй частцы Пекіна, каб затрымаць Сі Цзіньпіна. Там іх нібыта чакалі супрацоўнікі службы аховы кітайскага кіраўніка. Паведамлялася пра ўзброенае сутыкненне, у выніку якога маглі загінуць ахоўнікі і вайскоўцы. Аднак гэтыя звесткі афіцыйна не пацверджаныя.
Чжан Юся ўдзельнічаў у кітайска-в'етнамскай вайне 1979 года. Яго бацька быў генералам і паплечнікам бацькі Сі Цзіньпіна — Сі Чжунсюня. Сам Чжан, як і Сі, належыць да так званых «прынцаў» — нашчадкаў высокапастаўленых дзеячаў Камуністычнай партыі Кітая.
У 2012 годзе Чжан узначаліў Галоўнае ўпраўленне ўзбраенняў Народна-вызваленчай арміі Кітая, якое займаецца закупкамі і распрацоўкай зброі. У 2017‑м ён стаў намеснікам старшыні Цэнтральнай вайсковай камісіі, а ў 2022 годзе быў паўторна прызначаны на гэтую пасаду, хоць ужо дасягнуў узросту, калі звычайна ідуць на пенсію.
Кітай створыць «Вялікую зялёную сцяну» з грыбоў. І іншую — з бамбуку
Кітай плануе ператварыць спрэчныя астравы ў Паўднёва-Кітайскім моры ў рабатызаваныя крэпасці
«Яна апраналася проста і выглядала сумленнай». Адзінокіх кітайскіх мужчын усё часцей дураць фіктыўнымі нявестамі
Цягнік у Кітаі разагналі да 800 км/г за пяць секундаў
«Кайлас, я іду». Што за беларуска знікла ў жудасным селі ў Непале6
Каментары