Лаўроў заявіў, што Расія хоча вырашыць пытанне вайны ва Украіне «па-пацанску»
Кіраўнік МЗС Расіі Сяргей Лаўроў ў інтэрв'ю выданню РБК расказаў пра падыход Крамля да перамоў з прэзідэнтам ЗША Дональдам Трампам. Паводле яго слоў, расійскія ўлады імкнуцца вырашаць пытанні «па-пацанску», што ён называе «высакародным» падыходам.
Лаўроў сцвярджае, што менавіта з такім настроем Уладзімір Пуцін год таму ехаў на сустрэчу з Трампам у Анкорыдж. Расійскі бок нібыта разлічваў дамовіцца там пра завяршэнне вайны і падпісаць адпаведнае пагадненне.
«Мы прывыклі справы рабіць, можна сказаць, высакародна, можна сказаць, па-пацанску, што, па сутнасці, адно і тое ж», — сцвярджае кіраўнік МЗС Расіі.
Паводле Лаўрова, Пуцін падчас перамоваў цалкам пагадзіўся з прапановамі Трампа і бакі нібыта «ўдарылі па руках». Аднак пазней, як сцвярджае расійскі міністр, у працэс умяшаліся прадстаўнікі Еўрасаюза і прэзідэнт Украіны Уладзімір Зяленскі, якія нібыта сарвалі дасягнутыя ў Анкорыджы дамоўленасці.
Пасля гэтага пазіцыя Белага дома, паводле Лаўрова, істотна змянілася, а дзяржсакратар ЗША Марка Рубіа заклікаў шукаць новыя падыходы да перамоў.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў6
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары