Прыватную стаматалагічную клініку злавілі на маштабным ухіленні ад падаткаў
Падатковая служба выявіла буйныя парушэнні ў прыватнай стаматалагічнай клініцы. За пяць гадоў там, паводле вынікаў праверкі, схавалі ад падаткаабкладання больш за 10 мільёнаў рублёў выручкі, паведамляе прэс-служба Міністэрства падаткаў і збораў.
Схему выявілі падчас пазапланавай праверкі клінікі, якая аказвае шырокі спектр стаматалагічных паслуг. Падчас праверкі сілавікі знайшлі і канфіскавалі так званую «чорную» бухгалтэрыю.
Высветлілася, што ўладальнік клінікі разам з галоўным бухгалтарам загадзя вызначалі, якую частку даходаў не будуць адлюстроўваць афіцыйна. У залежнасці ад колькасці запланаваных пацыентаў на наступны дзень доля схаванай выручкі складала ад 30 да 40%.
Адміністратары атрымлівалі ад пацыентаў наяўныя грошы за паслугі, але частку плацяжоў не праводзілі праз касу. Гэтыя сродкі перадаваліся ўладальніку клінікі. Акрамя таго, на кожнага ўрача вяліся асобныя працоўныя сшыткі, дзе выручку падзялялі на афіцыйную і «шэрую».
Падчас праверкі таксама высветлілася, што стаматалогія набыла і выкарыстала каля 3700 зубных імплантаў без афіцыйных дакументаў. За кошт няўлічанай наяўнасці клініка магла набываць медыцынскія вырабы без неабходных дакументаў, а частцы супрацоўнікаў выплачваць заробкі ў канвертах.
Пасля праверкі клініцы выставілі да выплаты 5,7 мільёна рублёў падаткаў і іншых плацяжоў. У тым ліку 2,5 мільёна рублёў складае падаходны падатак з фізічных асоб.
Матэрыялы праверкі плануюць перадаць сілавікам для вырашэння пытання аб завядзенні крымінальнай справы за ўхіленне ад выплаты падаткаў у асабліва буйным памеры. Акрамя таго, клініку прыцягнуць да адміністрацыйнай адказнасці.
Мінздароўя прыпыніла працу буйнога прыватнага медцэнтра «Лазар» у Баранавічах
З эканамістаў — у медсёстры і зубныя тэхнікі. Як беларусы іншых прафесій перавучваюцца на медыкаў
Жыхар Фаніпаля паўтара года лячыў зубы ў сябе дома без ліцэнзіі
Каб выправіць прыкус, беларуска рашылася на распілоўванне сківіцы — і не пашкадавала. Але вынесці такую аперацыю зможа не кожны
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
Под четыре тыс. имплантов закрутить - это гигантский опыт.
Пойду к ним,может помогут занедорого.