У Беларусі распрацавалі ўласны аналаг прэпарата для лячэння ВІЧ-інфекцыі — «Далутэгравір-АМ». Прэпарат ужо прайшоў неабходныя даследаванні, а першыя партыі плануюць выпусціць да канца 2026 года, піша «Мінская праўда».
Як паведаміла дырэктарка фармацэўтычнага прадпрыемства «АмантысМед» Алена Сяркова, даследаванні праводзіліся на здаровых добраахвотніках у сертыфікаваных клінічных цэнтрах паводле пратакола, зацверджанага Міністэрствам аховы здароўя.
Выпрабаванні паказалі, што беларускі джэнерык па хуткасці і ступені ўсмоктвання не адрозніваецца ад арыгінальнага прэпарата ў межах устаноўленых нормаў. Такім чынам, яго прызналі адпаведным арыгіналу па асноўных фармакакінетычных паказчыках.
Распрацоўшчыкі адзначаюць, што айчынны прэпарат будзе таннейшы за замежны аналаг, але пры гэтым не павінен саступаць яму ў эфектыўнасці.
Першыя партыі «Далутэгравіра-АМ» плануюць вырабіць ужо ў гэтым годзе на заводзе «АмантысМед» у Лагойску.
Па словах прадстаўнікоў прадпрыемства, запуск уласнай вытворчасці прэпарата павінен стаць важным крокам для забеспячэння лекавай бяспекі Беларусі і замяшчэння імпартных медыкаментаў у стратэгічна важнай сферы.
У Жыткавіцкім раёне жанчына заразіла ВІЧ 83‑гадовага старога
Навукоўцам атрымалася «выразаць» ДНК ВІЧ з заражаных клетак
«Выклікае асцярожны аптымізм». Лекі ад ВІЧ гатовыя да клінічных выпрабаванняў. Цяпер імі лечаць рак
ВІЧ таксама мадыфікуецца. У Нідэрландах выяўляюць заражэнні больш заразным і небяспечным варыянтам
Каментары
[Зрэдагавана]