Кіраўніка аддзела Support Desk Technologies асудзілі на пяць гадоў калоніі — меркавана, за данаты на падтрымку Украіны
26‑гадовы Міхаіл Філіпенка кіраваў вялікай камандай у ІТ-кампаніі. У 2026 годзе маладога чалавека затрымалі і адправілі за краты.
Міхаіл нарадзіўся ў Віцебску. У 2021‑м ён скончыў Беларускі дзяржаўны эканамічны ўніверсітэт па спецыяльнасці «Камерцыйная дзейнасць на замежным рынку». Пасля навучання хлопец больш за паўтара года адпрацаваў паводле прафесіі — эканамістам у санаторыі «Чыгуначнік» у родным горадзе.
Вясной 2023 года Філіпенка перайшоў у IT-сферу, уладкаваўся ў мінскую кампанію Support Desk Technologies. Пачаўшы кіраўніком змены, менш чым праз два гады ён узначаліў увесь аддзел падтрымкі.
У падначаленні Міхаіла было 300 супрацоўнікаў, якія забяспечвалі працу сэрвісу ў кругласутачным рэжыме. Ён паспяхова ўкараняў сістэмы на базе штучнага інтэлекту для верыфікацыі дакументаў і аптымізацыі апрацоўкі плацяжоў.
Міхаіла арыштавалі 19 студзеня 2026 года. Справу разглядаў Мінскі гарадскі суд. Хлопца абвінавацілі па ч. 2 арт. 361‑3 Крымінальнага кодэкса. Паводле звестак праваабаронцаў «Вясны», прычынай крымінальнага пераследу сталі данаты — гэты артыкул часта выкарыстоўваюць за падтрымку беларускіх добраахвотнікаў.
3 чэрвеня 2026 года хлопцу прысудзілі пяць гадоў пазбаўлення волі ў калоніі ва ўмовах узмоцненага рэжыму і прызначылі вялізны штраф — 225 тысяч рублёў (500 базавых велічынь).
Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Адбыліся масавыя народныя пратэсты супраць дыктатуры і фальсіфікацыі выбараў. На гэта ўлады адказалі рэпрэсіямі.
Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 10050 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы, вымушаная эміграцыя) закранулі сотні тысяч беларусаў.
«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў, праявы салідарнасці з Украінай, антываенныя выступы.
«Наша Нiва» — бастыён беларушчыны
ПАДТРЫМАЦЬУ Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»
25‑гадовага каардынатара IT-праектаў па вяртанні з Польшчы асудзілі за «садзейнічанне экстрэмізму»
Каментары