Цана дайшла амаль да 2000 еўра.
Намеснік кіраўніка «Альтэрнатывы для Германіі» ў зямлі Саксонія-Анхальт Ханс-Томас Цільшнайдэр вырашыў зарабіць на кубку, які стаў прычынай скандалу падчас выбарчай кампаніі.
Чорны кубак з чырвонай зоркай і надпісам «Армия России» стаяў у выбарчым офісе Цільшнайдэра. Bild запытаўся ў палітыка, чаму той трымае ў сябе сімволіку арміі, якая напала на Украіну.
«Мне яго нехта падарыў. Я не хацеў яго выкідаць», — адказаў тады Цільшнайдэр. Ён заявіў, што кубак для яго нічога асаблівага не азначае, а пра расійскае ўварванне ва Украіну сказаў: «Гэта не наша вайна».
Пазней з’явілася іншая версія паходжання кубка. Палітык назваў яго сувенірам з паездак у Расію ў 2023 або 2024 годзе — ужо пасля пачатку поўнамаштабнай вайны.
Пасля перамогі АдГ на выбарах Цільшнайдэр выставіў кубак на eBay, назваўшы яго «самым небяспечным кубкам Германіі».
Пачатковая цана складала адзін еўра. На момант напісання навіны за лот прапаноўвалі ўжо 1982 еўра: было зроблена 63 стаўкі, а да заканчэння таргоў — яшчэ восем дзён.
6 верасня АдГ атрымала ў Саксоніі-Ангальце 43,8% галасоў і стала найбуйнейшай фракцыяй зямельнага парламента, але не здабыла абсалютнай большасці.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна16
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5555
Каментары