Фестываль «Тбілісоба» пасля сямігадовага перапынку вяртаецца ў Мінск
Начальніца ўпраўлення культуры Мінгарвыканкама Кацярына Лучына расказала ў эфіры «Радыё-Мінск», што фестываль «Тбілісоба» плануюць правесці ў беларускай сталіцы ўжо ў кастрычніку. Пра гэта паведамляе агенцтва «Мінск-Навіны».
Паводле слоў чыноўніцы, фестывалі нацыянальных культур у цэнтры Мінска з'яўляюцца традыцыйнай практыкай. Грузінскае культурна-асветніцкае таварыства разлічвае правесці «Тбілісобу» 3 кастрычніка. Цяпер абмяркоўваецца магчымы фармат мерапрыемства, але, як адзначыла Лучына, фестываль, верагодна, адбудзецца.
Мінская «Тбілісоба» раней была адным з самых масавых гарадскіх святаў. Мерапрыемствы, прысвечаныя Грузіі, уключалі канцэрты, розныя культурныя актыўнасці і фуд-корты, а ў цэнтры сталіцы яны збіралі дзясяткі тысяч чалавек.
Звычайна фестываль праходзіў у жніўні — верасні на плошчы Свабоды і іншых пляцоўках Верхняга горада. Апошні, пяты мінскі фестываль «Тбілісоба» адбыўся ў 2019 годзе.
Назва «Тбілісоба» паходзіць ад аднайменнага свята ўраджаю ў грузінскай сталіцы Тбілісі, якое традыцыйна адзначаецца ў першыя выхадныя кастрычніка.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары