Fiestyval «Tbilisoba» paśla siamihadovaha pierapynku viartajecca ŭ Minsk
Načalnica ŭpraŭleńnia kultury Minharvykankama Kaciaryna Łučyna raskazała ŭ efiry «Radyjo-Minsk», što fiestyval «Tbilisoba» płanujuć pravieści ŭ biełaruskaj stalicy ŭžo ŭ kastryčniku. Pra heta paviedamlaje ahienctva «Minsk-Naviny».
Pavodle słoŭ čynoŭnicy, fiestyvali nacyjanalnych kultur u centry Minska źjaŭlajucca tradycyjnaj praktykaj. Hruzinskaje kulturna-aśvietnickaje tavarystva raźličvaje pravieści «Tbilisobu» 3 kastryčnika. Ciapier abmiarkoŭvajecca mahčymy farmat mierapryjemstva, ale, jak adznačyła Łučyna, fiestyval, vierahodna, adbudziecca.
Minskaja «Tbilisoba» raniej była adnym z samych masavych haradskich śviataŭ. Mierapryjemstvy, pryśviečanyja Hruzii, uklučali kancerty, roznyja kulturnyja aktyŭnaści i fud-korty, a ŭ centry stalicy jany źbirali dziasiatki tysiač čałaviek.
Zvyčajna fiestyval prachodziŭ u žniŭni — vieraśni na płoščy Svabody i inšych placoŭkach Vierchniaha horada. Apošni, piaty minski fiestyval «Tbilisoba» adbyŭsia ŭ 2019 hodzie.
Nazva «Tbilisoba» pachodzić ad adnajmiennaha śviata ŭradžaju ŭ hruzinskaj stalicy Tbilisi, jakoje tradycyjna adznačajecca ŭ pieršyja vychadnyja kastryčnika.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary