Дональд Трамп заявіў, што Расія і Украіна пагадзіліся на энергетычнае перамір’е
Прэзідэнт ЗША Дональд Трамп заявіў, што Украіна пагадзілася спыніць удары па расійскіх энергетычных аб’ектах. Пра гэта Трамп паведаміў 14 верасня ў сваёй сацыяльнай сетцы Truth Social. Пры гэтым ён сцвярджае, што гаворка ідзе пра ўзаемную дамоўленасць: не толькі Украіна, але і Расія нібыта пагадзілася не атакаваць энергетычную інфраструктуру другой краіны.
«Украіна пагадзілася не біць па расійскіх энергетычных аб’ектах. Расія пагадзілася зрабіць тое ж самае!» — напісаў амерыканскі прэзідэнт.
Такім чынам, у выпадку выканання гэтай дамоўленасці ўдары па нафтавых і іншых энергетычных аб’ектах Расіі з боку Украіны павінны спыніцца, а Расія, у сваю чаргу, павінна ўстрымацца ад аналагічных атак на ўкраінскую энергетычную інфраструктуру.
Пры гэтым з паведамлення не вынікае, калі менавіта была дасягнутая такая дамоўленасць, на які тэрмін яна разлічаная і ці існуе асобнае афіцыйнае пагадненне паміж бакамі. У заяве Трампа гаворыцца толькі пра нібыта згоду бакоў спыніць атакі на энергетычныя аб'екты.
У сваёй публікацыі Трамп таксама звязаў вайну ва Украіне з ростам сусветных цэн на дызельнае паліва. Паводле яго, асноўнай прычынай гэтага падаражання з'яўляецца менавіта вайна паміж Расіяй і Украінай, а не канфлікт вакол Ірана.
Такая інтэрпрэтацыя разлічаная на амерыканскіх выбарцаў. Блакада Армузскага праліву Тэгеранам у адказ на ўдары па Іране прывяла да росту цэнаў на нафту, што стала адным з важных унутрыпалітычных пытанняў у ЗША перад прамежкавымі выбарамі ў Кангрэс. Дэмакратычная партыя вінаваціць адміністрацыю Трампа ў некампетэнтнасці і праліках.
«Мы апярэджваем Кітай». Трамп выступіў супраць запаволення распрацоўкі штучнага інтэлекту
Трамп заявіў пра далучанасць дырэктара ЦРУ да вырашэння канфлікту ва Украіне
Трамп запатрабаваў ад Зяленскага спыніць знішчэнне расійскіх НПЗ з-за пагрозы сусветнага дэфіцыту паліва
Трамп лічыць «вельмі класнай» ідэяй аб’яднанне Ірландыі
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары